29.9.06

غريبه انتى



الحب عمره ماكان ضعف ولازم تخافى عليه

انا اللى حاسس بيكى وانتى مش حسه بيه

الحب مافيهوش انا ولا انتى ولا هو ولا هى

انا واضح معاكى ومشاعرك ليه مستخبيه

ساعات تكونى معايه وعمرك ماكنتى وافيه

قلبى عشانك يلف الكون وفى الاخر لا حمد ولا شكرانيه

جميله.. ورقيقه.. وطيبه.. والتقل عندها غيه

لكل شىء نهايه.. وانا فى الاخر انسان

حبى ليكى مش ضعف.. وانا مش جبان

بتحبينى وبحبك وفى التقل قلبك فنان

حبيبتى انا ليه عندك طلب والتماس

حبيبتى خليكى معايه وسيبك من كلام الناس

دا الحب فى عينيكى واضح والرك عالاحساس

انا الملك وانتى الملكه والحب هو الاساس

انا فى قلبى صورتك وفى قلبك الوسواس

واحده بواحده ياحلوة والتقل بقى طبعى خلاص

27.9.06

قولى حبيبتى

اولا:انا اسف على القصيده اللى فاتت لانها مش عجبانى خالص خالص بس كنت لازم انزلها وشكرا ان معظمكم جاملنى

ثانيا:انا ببعت كل سلامى وتحياتى لاصدقائى(مداح القمر) و(وعد العيون)و(حازم) ودى اول مره اكتب فيها من بلاد الناس فيها لا بتركب افيال ...ولا بتركب اسود...ولا حتى بتركب حمير..ولكن بتركب دماغها

ثالثا:انا بطلب طلب من فريق العمل(مداح القمر)و(وعد العيون)و(حازم) وهو
ان القصيده اللى انا كتبتها دى نفسى نفسى تلحنوها وحازم يغنيها
وانا عارف انكم قدها وقدود
لان القصيده دى انا كتبتها بطريقه الاغانى مخصوص وعلى فكره القصيده دى والله من اكترالقصائد اللى انا كتبتها فى حياتى عجبانى جدا جدا جدا

رابعا:انا بعتزرلكل الناس على التاخير فى الكتابه والرد عليهم ويارب يارب القصيده دى تعجبكم لانها عجبانى او


ملحوظه:انا فى القصيده كلها بتكلم عن قلبى مش ان حبيبتى بتحب حد تانى


_________________________________________________________



قولى حبيبتى

قولى حبيبتى عمله ايه معاه.........وهو كمان عامل ايه معاكى

طيب ولا مش طيب فاكرك ولا هينساكى

قلبى اللى دايما قاسى عليكى......وبرده بتقولى ان هو دواكى

حبيبتى ليه دايما ساكته ومابتتكلميش

لازم تقولى ايه فيه بيعجبك وايه مابيعجبكيش

قوليله ياحبيبى اتغير...........لحسن اسيبك وماتشوفنيش

دا قلبى وانا عارفه بيخاف من التهويش

بتحبينى وصدقينى هو كمان بيحبك

ممكن يكون قاسى عليكى ومايعرفش ايمتك

بس مافيش ياحبيبتى ادامه غير صورتك

قولى حبيبتى

24.9.06

لعبه الحب



زهر الحب اترمى.................. وفى اللعب كل شىء مباح

فيه الخيانه والجدعنه.................. والفرح والبكا والنواح

والغش مسموح انما............ عمر الغش ماهيرجع اللى راح

اصل الهوى ممكن يكون دوا........ وممكن يكون اخطر سلاح

حتى العشق مالوش امان....... ممكن يبقى نسمه وتنقلب رياح

مازهر الحب اترمى................ وفى اللعب كل شىء مباح

وان دق قلبك بالهوى........ قول لحبيبك بحبك بالغنا والصياح

خلى حبيبك علاء الدين.............. وكون انت مارد المصباح

حقق له كل شىء فى هواه........... وخلى الرمل فى ايده تفاح

مازهر الحب اترمى................ وفى اللعب كل شىء مباح

وان يوم غدر بيك حبيبك............ اهجر عيونه وانت مرتاح

وان يوم غدرت بحبيبك............ ممنوع ترجع وتقول سماح

وحبيبك الاولانى..جوه عينيك.... دا من بعده هيبدا نزيف الجراح

واللى انت حبيبه الاولانى........... هيقولك امرك ياسيد الملاح

مازهر الحب اترمى................. وفى اللعب كل شىء مباح

وفى الحب مفيش مستحيل.......... كله يهون بالصبر والالحاح

دا العمر اختبار وصعب.......... وعيون حبيبك هى سر النجاح

22.9.06

اغرب صوره فى العالم



ايه رايكوا؟؟

انا قلت لازم حاجه فرفشه بقى....مش معقول كل حاجه قصايد وكتابات

والصوره دى عجبتنى اوى..وان شاء الله تعجبكوا

20.9.06

صراع القلب والعقل



اصحى ياقلبى وفوق............ دا الامر عليك اختلط

دى ناس عالغدر عايشه .........وقلوبهم للعرض فقط

لازم تشطب عليهم............... وترسم علامه غلط

دى كانت واحده وخاينه...... وصفحه خلاص وانطوت

ويرد قلبى العليل:؟؟

ساكت ياصاحبى وراضى....... واصبحت كما الحجر

هزيل. مريض. تعبان........ وعايش فى حاله خطر

واول ما قالت حبيبى........... بركان جوايه انفجر

ايه يعنى جرحنى مره........... مادام رجع واعتذر

ويرد عقلى الحكيم:؟؟

عمر اللى حب مايغدر واسفها مش مقبول

ايه يعنى قالت بحبك؟؟ مالك كده مذهول

ارجع ياقلبى لرشدك لحسن تموت مقتول

انت ملكى انا... وهتمشى ذى ما اقول

افضلى اموت بكرامه احسن ما اعيش مذلول

وفى النهايه اهدى هذه القصيده الى حبيبى وصديقى (محمد الحداد) وقوله يارب نفضل احباب ويارب القصيده تعجبك

17.9.06

قصه من تاليفى

هناك فى اى مكان واى زمان,كانت تعيش قريه صغيرة بسيطه..بسيطه جدا.
ولكن الغير بسيط فى تلك القريه هو اهلها.حيث كان اهلها يتميزون بالذكاء..وهذه صفه خطيره ما لم يحسنوا
استخدامها...لكنهم كانوا اناس طيبين جدا واذكياء فى نفس الوقت.
وفى يوم من الايام خرج حاكم هذه القريه وقال لشعبه ان هناك رجل قادم اليهم من بلاد بعيده..وقد سمع هذا الرجل عن ذكائنا ويريد ان يتحدانا وهو قادم غدا.
وجاء غدا وحضر هذا الرجل واستقبله اهل تلك القريه بكرم وحفاوة ولكنهم لم يخفوا تحديهم القوى لهذا الرجل...وكيف سيثبت اننا لسنا اذكياء؟؟؟
هذا الرجل لم يكن ليضيع وقت فذهب الى حاكم هذه القريه وطلب منه ان يتجمع شعبه عند العصر فى وسط القريه..وكان له مااراد.ولكنه طلب ايضا من الحاكم ان يبنوا بيتا صغيرا بسيطا فى مكان تجمع الناس..ولم يساله الحاكم لماذا.. وفعل له مااراد...
وها قد جاء العصر وتجمع الناس وبنى البيت الصغير ...واصبح كل شىء جاهز للتحدى.
وعندها قال الرجل الغريب هناك لغز ومن يستطيع ان يحله سوف اعطى له 100الف درهم وان لم تحلونه فسوف تعترفون انكم لستم اذكى قوم..وبالطبع وافق شعب القريه ووافق حاكمهم..ولكن الرجل الغريب طلب منهم ان ياتوا له اذكى رجل عندهم ليقوم بالاختبار
وتحرك الحاكم وقد رشحه الشعب ليقوم بحل هذا اللغز وكان هو بالفعل اذكى رجل بين شعبه..
فماهواللغز؟؟؟قال الرجل الغريب :اللغزهو... ومسك يد الحاكم وادخله هذا البيت الصغير..وبعد ان ادخله ترك له الباب مفتوح(باب البيت)وقال الرجل الغريب هذا هو اللغز ...عليك ان تخرج ايها الحاكم من هذا البيت؟؟؟ وان استطعت ان تحل هذا اللغز فلك انت وشعبك 100الف درهم..
وعم السكوت والصمت على الجميع ..الكل مندهش من هذا السوال...كم هو سهل بسيط..وكان هذا هو لسان حال الحاكم.
واخذ الحاكم يردد فى داخله لابد ان هنالك شىء ماكر وراء هذا الطلب ..لا يمكن ان يكون هذا الرجل قطع تلك المسافه ويدفع 100الف درهم مقابل هذا السوال التافه..لابد ان هنالك لغز بالفعل وراء هذا الطلب...ولكن ماهو؟؟ماهو؟؟؟
وكان ذلك الرجل يضحك ضحكه صفراء وهو يعرف مايدور داخل نفس الحاكم وشعبه بالظبط..
ومر حوالى نصف ساعه ومازال السكوت يعم المكان الكل بما فيهم الملك يريد ان يعرف ماوراء هذا السوال من خبايه ووصل الكل الى اقصى مستوى لذكائه ليجد حل الى هذا اللغز المحير..الكل فى راسه حل وحيد ولكنه يرفضه لانه حل تافه جدا جدا...ويبحث عقلهم عن اجابه لهذا السوال الذى فى ظاهرة سهل وبسيط ولكن فى باطنه مكر ودهاء....
وها قد غربت الشمس ولم يجد احد بما فيهم الملك حل لهذااللغز..ومازال الكل يفكر..والان قد تكلم الرجل الغريب ها قد فشلتم فى حل هذا اللغز...ها ها ها...ولم يرد عليه احد بنعم او بلا...ثم اكمل وقالاحضروا لى اغبى رجل عندكم حالا...ولكنهم قالوا ان الغبياء عندهم ليسوا موجودون هنا هم يعملون بالفلاحه...ولكنه قال اعلم ذلك ..احضروه ولكن بشرط ان لا تخبروه ان هذا تحدى وان هنالك جائزه كبيره فى انتظاره قولوا له ان هنالك رجل غريب يريده...
وحضر هذا الرجل وهو لا يعلم شيئا عن هذا التحدى وتقدم له الرجل الغريب ومسك يده وادخله هذا البيت الصغير وترك له باب البيت مفتوح وخرج الرجل الغريب وقال له من الخارج اريدك ان تخرج...فخرج الرجل الغبى من الباب المفتوح الى الخارج وقال له ها قد خرجت ماذا تريد منى؟؟؟؟؟
فصرخ الرجل الغريب فى الملك والشعب وقال لهم هذا هو الحل....
واكمل:كن ذكى ولا تتاثر بما حولك..ولكن اذا تاثرت اعلم انك اما جاهل وغبى,او ذكى لا تملك الثقه بالنفس.....

16.9.06

الحلم الصغير

حلم جميل ببيت صغير....... فوق جزيرة عالمحيط

هما اتنين بحلم واحد.......... وبيجمعهم الف خيط

ننام ونصحى فى حضن الهوى...............لكن

على صوت صراخها فى يوم صحيت............؟؟

الزمن خطفها منى.... ولو عاديت الزمن ابقى عبيط

ووقفت مكسور حزين.... و خبط راسى فى كل حيط

هحكى حكايتى من البدايه ...من غير زواق ولا تظبيط

اول كلمه بحبك سمعتها وزلزلتنى

كلمه بحبك قلتها..سمعتها وسمعتنى

ممكن تكون سمعتها قبلى بس هى فضلتنى

كنا عايشين مع بعضنا....... فى الحلم بنصحى ونبات

الفرحه دايما فى قلوبنا........... وحياتنا تبات ونبات

لكن صحينا على الفراق.......... ماخلاص الحلم مات

ماتت معاه الفرحه فى عيون الصغار

ماتت معاه الشمس فى قلب النهار

حتى اللى مات واندفن صحى علشان يموت

والكروان انكتم له الصوت

والسما بكت فى سكوت

ومات الحلم الجميل........ فى جنازة لاعظم تابوت

وراح البيت الصغير....... وراحت معاه كل البيوت

14.9.06

الفراغ العاطفى

الفراغ العاطفى عايشه معظم الشباب وانا منهم..والفراغ العاطفى ده نوعين ياما وحد محبش خالص من البدايه وعنده حرمان من العاطفه وده اسمه فراغ عاطفى..والنوع الاخر هو واحد كان بيحب والقصه فشلت ممكن لانه اكتشف انها خاينه ممكن لانه ضعيف لم يستطيع ان يحافظ عليها او ان الزمن فرقهم ودا الى انا منهم يعنى انا من النوع التانى ...مع العلم ان فى بعض النا س مش مهم اوى عندهم حكايه الحب دى او العاطفه..ودول الناس العمليين...وفو القصيده بتاعتى بحاول اوجه الناس الى عندهم فراغ عاطفى بحاول او على الاقل بحاول اوجد لنفسى حل واعتقد انى وجدته...ويارب القصيده تعجبكم

نصيحه لكل عاشق.............. يرجع يعيد حساباته

العشق بيروح وييجى...... والواحد مالوش غير زاته

الى حب يكمل حب............. واللى محبش هنا هاته

ارسم حبيبتك فى الخيال..... واعملها صوت وصورة

وحبيبتى انا اللى رسمتها....... جميله جملها اسطورة

شقيه وقت ما اكون شقى.... ورقيقه.خفيفه.عصفورة

حبيبتى اسيه عليه................ لما بكون غلطان

وساعه الفرح فرحانه............ وعملالى مهرجان

ساعات بيضه وساعات سمرا... وزى ما اعوزها بتكون

استازة فى علم الاجتماع..... ودارسه سياسه وقانون

بحب كل واحدة فى واحدة.. وصدقنى ياصاحبى ده مش جنون

حبيبتى زكيه وغبيه.......... وزى ما اعوزها بتكون

يبقى ليه احب واحده............ حبيبتى بنات الكون

13.9.06

غدر الزمن

غدر الزمن..دا موضوع كبير لان معظمنا اقصد من الرجاله دايما بيتسلى عليهم الزمن لانهم بيسيبوا نفسهم للظروف..يعنى بكره ربك يسهل ونشتغل وبكره ربك يهدينى ونصلى وكتير اوى من الحاجات مع انهم عندهم الاراده بس بتكون السكينه سرقاهم:

غدر الزمن علمنى فى الفرحه احطاط

وعلمنى بعد النكد بييجى الانبساط

اوعى تامن للزمن دا ضميره مطاط

انا اللى عشت فى اليل حزين كما الوطواط

بقولك دى عيشه الزمن ياصاحبى منتهى الانحطاط

وبقولك اوعى لنفسك لتهلك ويعلى الصوات

وساعتها لا هينفعك الزمن ولاالبكا والعياط

فخلى طريقك منور بالهدى والانضباط

وبدعى ياربى:

يهدينى ويهديك ياصاحبى ويثبتنا عالصراط

12.9.06

اميرة عمرى

يااميرة مملكه الكون..... يااميرة مملكه العشق

يااميرة مملكتى وحدى.. تسكن قصرى فى مملكتى

شمسك لا تشرق الا...... وتصيب قلبى بجراح

قمرك لا يظهر حتى .....يمحو ويطيب جراحى

قلبى حبى وكيانى .........اصبح خادما عندك

بعد ان كان قلبى.......... ملكا فوق مملكتى

زلزلتى قلبى وكيانى.... واثرتى جميع براكينى

ليقوم قلبى من عرشه ...ويقول امرك مولاتى انتى

ضحكتكى انشوده قلبى.... يعزفها ليمحو الااحزان

وفى عيناكى حب لو حسب...... يحتاج كثيرا ارقام

فمتى سيثور قلبى .........ويحطم كل القضبان

ليعود ويصبح سلطانا...... ويقبل مولات السلطان