27.6.07

كش ملك




لما قريت كتاباتك حسيت انك خطير
وفى (كلام العيون) قلت عليك كبير
اعمل لها جزء تانى سميه كلام المناخير
قولتلى اسمك ايه؟؟...اااااااه مداح
من يوم القمر ماعرف ان انت مداحه
قفل عليه الباب ورمى فى البحر مفتاحه
لا عاد بيطلع فى السما..حتى النجوم راحوا
قولتلى اسمك ايه ؟؟...اااااااه مداح
انا الساحر والسحر فى كتاباتى
الفكره عنوانى ..الورقه والقلم ادواتى
فى الاخر يجيى واد قورداتى
يتريق على كتاباتى
قولتلى اسمك ايه؟؟...اااااااه مداح
فاكر ....................؟
لما كنت بتقول ع القلم كوبايه
وكنت بتسرق الشعر من ورايه
وكان امنيه حياتك تتصور معايه
قولتلى اسمك ايه؟؟...اااااااه مداح
فاكر لما كنت حافى وانا عملتك بيه
صحيح..اتقى شر من احسنت اليه
انت بقى قولتلى اسمك ايـــــــــــه؟؟
اااااااه مداح

26.6.07

اذن هى الحرب

ههههههههههههه

دى اول مره انا ببدا موضوعى بالضحك...لان دى اول مرة حد يقول عنى كده

ادخلوا على اللينك ده وانتوا تعرفوا انا بضحك ليه

http://myheart-notes.blogspot.com/

معلش اصل الشيطان ضحك عليه

وهو فى الاول او فى الاخر صاحبى اللادود

وانا فى البوست اللى جاااى انا هرد عليه
ان شاء الله

انتظروا الحرب