غدر الزمن
غدر الزمن..دا موضوع كبير لان معظمنا اقصد من الرجاله دايما بيتسلى عليهم الزمن لانهم بيسيبوا نفسهم للظروف..يعنى بكره ربك يسهل ونشتغل وبكره ربك يهدينى ونصلى وكتير اوى من الحاجات مع انهم عندهم الاراده بس بتكون السكينه سرقاهم:غدر الزمن علمنى فى الفرحه احطاط
وعلمنى بعد النكد بييجى الانبساط
اوعى تامن للزمن دا ضميره مطاط
انا اللى عشت فى اليل حزين كما الوطواط
بقولك دى عيشه الزمن ياصاحبى منتهى الانحطاط
وبقولك اوعى لنفسك لتهلك ويعلى الصوات
وساعتها لا هينفعك الزمن ولاالبكا والعياط
فخلى طريقك منور بالهدى والانضباط
وبدعى ياربى:
يهدينى ويهديك ياصاحبى ويثبتنا عالصراط
posted by الســـاحر @ Wednesday, September 13, 2006
2 Comments:
الله عليك...اول خمس ابيات طالعين منك بصدق...طالعين بيوصوفوابالظبط حال شباب كتير...انا اللى عشت فى الليل حزين كما الوطواط...فكرتنى بيك وانت قاعد ف البلكونه قبل الفجر بتسمع اغانى وبتفكر...وانا بدعى معاك ليا وليك يا صاحبى ولكل الناس
امييييييييييييين يا رب
Post a Comment
<< Home