الفراغ العاطفى
الفراغ العاطفى عايشه معظم الشباب وانا منهم..والفراغ العاطفى ده نوعين ياما وحد محبش خالص من البدايه وعنده حرمان من العاطفه وده اسمه فراغ عاطفى..والنوع الاخر هو واحد كان بيحب والقصه فشلت ممكن لانه اكتشف انها خاينه ممكن لانه ضعيف لم يستطيع ان يحافظ عليها او ان الزمن فرقهم ودا الى انا منهم يعنى انا من النوع التانى ...مع العلم ان فى بعض النا س مش مهم اوى عندهم حكايه الحب دى او العاطفه..ودول الناس العمليين...وفو القصيده بتاعتى بحاول اوجه الناس الى عندهم فراغ عاطفى بحاول او على الاقل بحاول اوجد لنفسى حل واعتقد انى وجدته...ويارب القصيده تعجبكمنصيحه لكل عاشق.............. يرجع يعيد حساباته
العشق بيروح وييجى...... والواحد مالوش غير زاته
الى حب يكمل حب............. واللى محبش هنا هاته
ارسم حبيبتك فى الخيال..... واعملها صوت وصورة
وحبيبتى انا اللى رسمتها....... جميله جملها اسطورة
شقيه وقت ما اكون شقى.... ورقيقه.خفيفه.عصفورة
حبيبتى اسيه عليه................ لما بكون غلطان
وساعه الفرح فرحانه............ وعملالى مهرجان
ساعات بيضه وساعات سمرا... وزى ما اعوزها بتكون
استازة فى علم الاجتماع..... ودارسه سياسه وقانون
بحب كل واحدة فى واحدة.. وصدقنى ياصاحبى ده مش جنون
حبيبتى زكيه وغبيه.......... وزى ما اعوزها بتكون
يبقى ليه احب واحده............ حبيبتى بنات الكون
posted by الســـاحر @ Thursday, September 14, 2006
20 Comments:
الحب لما يجيى فى وقته يبىق صح
مش مهم ان الواحد يبقى عايز يحب وبس او مفتقد الحب و بس
المهم يجي فى وقته
طب اللي رسمتها في خيالك دي ابقى خليها تقف جنبك وتواسيك وترفع معنوياتك لما تهبط
ساعات بيضه
عايزها بيضه...طيب
بس موضوع جامد
حلو أوى الرسم ده جديد ومبتكر بدل النجوم وزى ورق الشجر
أحنا الجداد ياااااااااااااض
الصراحه خانقه:انتى معاكى حق بس ساعات الواحد يبقى عايز يصبر نفسه
lamia mahmoud:انا مش عارف كلامك ده تريقه ولا ايه بس ياجماعه دى انا عارف انه هييجى الحب بس انا بطبعتى عاطفى.لازم اصبر نفسى حتى ولو فى الخيال
وعد العيون:انا عارف ان احنا الجدااااااااد فخلينا لزاز مع بعضينا ..انت فاهم ههههههههه
تسلم على الكلام والفكر الجديد وده اللى عجبنى
يبقى ليه احب واحده............ حبيبتى بنات الكون
ماااااانا عرف يا باشا
مستنى الجديد
أوكى
بجد الكلام ده ؟ انت بتعمل كده؟
بس كويس انك لقتلك حل
ايوة يارشا اصل انتتى شكلك ماجربتيش الفراغ العاطفى
مش تريقة خالص .. بس بواجهك بواقع كلنا في خيالنا قصص حب تحفة بس اي حقيقة احلى من الخيال
نسيت اقولك ان الموضوع هايل .. والكلام حلو
مدونه حلوه جدا ورقيقه ووبخصوص التدوينه ده انا عن نفسى ناويه اكتب فى الموضوع عن ناس فاكره ان عشان لسه ما حبناش يبقى فيه حاجه غلط والدنيا مش حلوه ودايما اللى شاغل نفسه بالموضوع ده وامتى يحب ويتحب لان فى حياته لايوجد اى شء يملى تفكير هو ووقته هدف حلو يعيش معاه ويعمل ليه مش هالك كتير بس فعلا شعرك معبر جدا عن اى كلام يتقال
حلوة الفكرة وطريقة التعبير عنها
حبيبتي زي مااعوزها بتكون
حلوة قوي
بالنسبة للفراغ العاطفي فده امر طبيعي ووارد ادا لم يكن للانسان منا اهتمامات كثيرة يشغل بها وقته
فلو تعددت اهتماماتك فلن يجد الفراغ لنفسه مكان في نفسك وروحك
والحب سيأتي حتما في وقته المناسب ومع الشخص المناسب
وعندي تعليق على موضوع الخيانة
فأنت قلت في مقدمتك ادا شخص حبيبته خانته او ماعرفش يحافظ عليها
كونها خانته لايعني بالضرورة انه لم يحافظ عليها
فربما تكون الخيانة في طبعها هي وليست ناتجة عن تقصير من المحب
عموما ادا كنت من النوع العاطفي الرومانسي فيمكنك ان تحب طوال الوقت في قصيدة شعرية جميلة تقرأها
في أغنية جميلة تسمعها وكلماتها تلمس قلبك
في لوحة فنية تنظر إليها فتلمس خطوطها مشاعرك
الحب موجود حولنا في كل شيئ جميل وليس بالضرورة حب لشخص بعينه
هدا سيزيد من رصيدك العاطفي ويجعل مشاعرك اكثر رهافة ورقة وعندما يأتي الحب الحقيقي ستجد في قلبك دخيرة كبيرة من المشاعر تهبها لمن تستحقها
ربنا يسعدك
lamia:انتى معاكى حق وانت معترف بكده..
----------------------------------
بوسى:الف شكر على كلامك الجميل ده وربنا يخليكى..وانا سعيد بتشريفك ليه
----------------------------------bella:على فكره الجزء اللى عجبك دة هو فعلا احلى حاجه عجبتنى.. واخر جزء كتبتيه فى تعليقك هو اللى انا اقصدة بالظبط
جامدة يا باشا
بس ايه الطمع ده كل بنات الكون
بصراحة انا بحس بالفراغ ده الحالة الاولى بس مش علطول لاني طبعا بشغلة ف الدراسة بالمذاكرة يا اانا مش ورايا حاجة غيرها
اما ف الاجازة ممكن اللي احس بيها شوية بس برضه قليل غالبا بيتقضي عليها بالفسح واني افكر ف حاجة تانية بس الكلام اللي انت كاتبه حلو بجد :))
ربنا يخليكى يانوران...دا بعض ما عندكم
ايوة كل بنات الكون بس دة علشان انا فى فراغ عاطفى...لكن لو حبيبتى لا والف لا ولا كل بنات الكون هتهزنى لان هيه هتكون مليه عينيه
انتى معاكى حق فعلا وانا كنت هقع فى المشكله دى...وشكرا لمرورك
حلو إنك ترسم حبييبتك فى الحلم بس كل واحد منا محتاج يحب ليه؟ على شان حبيبته أو حبيبه يقويه وقت الشدة حلو إنك ترسم لها صورة و نلونها بس حاول تلاقها فى الواقع انا عارفة إنها مش هتكون ذى اللى فى خيالك بس هو ده الواقع
ana 3agbne fekert leh t7b bnt wa7da w kol bnat el kon 7abebtak..bas ma2oltelnash ya basha b2a lama tla2e wa7da keda..moza..hatseb bnat el kon?! ;)
مع احترامى الشديد للحل اللى انت وجدته لكن انا متاكدة برغم انك بتحاول تتخيل وتعيش فى دنيا الخيال وتبتسم وتضحك قال يعنى قلبك بيضحك لكن برغم من ده اكيد كل يوم قبل ماتنام وأول ماتفتح عنيك الصبح بترجع بيك كل ذكريات الماضى والواقع اللى انت عايشه
ان انت عندك فرااااغ عاطفى
وفى نوع تالت
اللى يكون كان حاسبها شئ
وطلعت حاجة تانية
بس استمر معها تقضية وقت
و فى الوقت المناسب خلع
دى برضوا محاولة فشلة
بس مفيش فى الموضوع خيانة
خالص
Post a Comment
<< Home