لعبه الحب
زهر الحب اترمى.................. وفى اللعب كل شىء مباح
فيه الخيانه والجدعنه.................. والفرح والبكا والنواح
والغش مسموح انما............ عمر الغش ماهيرجع اللى راح
اصل الهوى ممكن يكون دوا........ وممكن يكون اخطر سلاح
حتى العشق مالوش امان....... ممكن يبقى نسمه وتنقلب رياح
مازهر الحب اترمى................ وفى اللعب كل شىء مباح
وان دق قلبك بالهوى........ قول لحبيبك بحبك بالغنا والصياح
خلى حبيبك علاء الدين.............. وكون انت مارد المصباح
حقق له كل شىء فى هواه........... وخلى الرمل فى ايده تفاح
مازهر الحب اترمى................ وفى اللعب كل شىء مباح
وان يوم غدر بيك حبيبك............ اهجر عيونه وانت مرتاح
وان يوم غدرت بحبيبك............ ممنوع ترجع وتقول سماح
وحبيبك الاولانى..جوه عينيك.... دا من بعده هيبدا نزيف الجراح
واللى انت حبيبه الاولانى........... هيقولك امرك ياسيد الملاح
مازهر الحب اترمى................. وفى اللعب كل شىء مباح
وفى الحب مفيش مستحيل.......... كله يهون بالصبر والالحاح
دا العمر اختبار وصعب.......... وعيون حبيبك هى سر النجاح
posted by الســـاحر @ Sunday, September 24, 2006
13 Comments:
طبعا لازم اهنى نفسى أنى اول كومينت والصراحه مش عارف أهنى نفسى بأيه مش عارف
أولا :الموضوع جااامد بجد فكرته حلوه فعلا الحب فيه كل حاجه للأسف
ثانيا: ممكن يبقى نسمه وينقلب رياح تصوير حلو اوى
ثالثا:أوعى تبقى مارد المصباح عشان ماتتعبش نفس الانسان أماره بالسؤ حيجرحك غصب عنه
الموضوع جااااااااااااااامد
اولا كل سنة وانت طيب
انت تصويرك للحاله حلو اوى و دقيق
بس عادى... كلنا بينوبنامن الحب جانب
ايه دة بجد ايه دة فعلا
الكلام جميل جدا
مارد المصباح" و " النسمة تقبل رياح" جميل و رقيق
للامام يا فندم
و كل سنة و سيادتك طيب"
كل رمضان و انت بخير
كلامك معبر جدا
و الأجمل ان الصدق فيه واضح جدا
وفقك الله
الكلام جميييييييييل جدا بجد اهنيك على الجمال ده وكل سنه وانت طيب
اولا اهنيك يا ساحر عالموضوع الجامد ده
ثانيا اهنيك على التصوير الجميل ده
ماظهر الحب اترمى................. وفى اللعب كل شىء مباح
وفى الحب مفيش مستحيل.......... كله يهون بالصبر والالحاح
وانت بتقول ان الحب مافيهوش مستحيل
وانا موافقاك ... بس انك تلاقى الحب الحقيقى هو ده بقى المستحيل
سحرت عينيه بهمسات عينيها دون ان يدرى او تدرى ولكنه ىذلك الملاك الدائم يغزل السهم وتناثرت الاحلام على مرأى همساتها فعشقها وعشق الليل لحلمه الدائم بها
ولكن دون ان يدريا هربت وتركته وظلت هى السكن فلم يستطع ان يمحيها ولن تستطيع اخرى ان تنسيه ولكن هناك اخرى خلف الستر تنظر اليه وتنتظره دوما ودون ان يدرى يتركها من اجل وهم لا يدركه سواه فيبكى يوما حلما حلمه وحلمته اخرى
ساحر فهل تستطيع ان تزيل اليأس من قلبك ومن قلب كل عاشق يرى حلما بعيدا فى صحراء
كروان
مارد اية بس العفاريت اتسلسلت في رمضان
حلوة الحتاية بتاعتك دي قوي
وزعلانة منك جدا مبقيتش بتيجي
بس ماشي يا عم اديني انا اهو باجي وبسال وبعمل باصلي
كل سنة وانت طيب
قصيدة جميلة
اهنيك عليها
بس تفتكر سهل انه
وان يوم غدر بيك حبيبك...اهجر عيونه وانت مرتاح
وان يوم غدرت بحبيبك... ممنوع ترجع وتقول سماح ؟؟
اظن صعب الواحد ينسى العيون و صعب ميطلبش السماح
كل سنة وانت طيب
انا مش عارفة ولله
انت فرحان ولا زعلان
لكن هو شكله ميلاد جديد ليك
وعجبنى اوى
وحبيبك الاولانى..جوه عينيك.... دا من بعده هيبدا نزيف الجراح
حلوة اوى بجد
تحياتى
انتى رائع بجد يا ساحرنى بكلامك ههههههههه بجد كلامك جميل
سورى للتاخير مابدخلش كتير فى رمضان
كل سنه وانت طيب
حلو اوي موضوع علاء الدين والمصباح العجيب ده
هه هه هه هه
انت تعديت كل الحدود يا خالد...تعديت حدود القافيه اللى بتزنق الشاعر وتعديت حدود الفكره وحدود التصوير وحدود الخيال...وبتقول انى انا السهل الممتنع؟ امال انت تبقى ايه؟
انت المستنسخ من احمد فؤاد نجم...يا نجم
Post a Comment
<< Home