سوق القلوب
نزلت سوق القلوب اشوف لنفسى قلبعايش لوحدى حزين والوضع حقيقى صعب
لكنى وجدت كل القلوب رخيصه
جواها حب على كره ومولد وهيصه
وانا بصراحه مش معايا غير بريزة
قلت اجيب بيها قلب
المهم جبت قلب باين عليه الحنيه
اهو اى قلب وخلاص المهم يهون عليا
وبعد يوم وتنين ظهرت حركات مش هى
الحنيه اختفت وتصرفاته مش لذيذة
وقلت جوايا لا..انا نفسى عليا عزيزة
يلا اهو قلب وراح.. وياخسارة البريزة
فى قلوب طيبه وقلوب معيوبه
دى تدلها احلى وردة ودى ترميها بالف طوبه
دور على القلب الغالى ..وماتنسانيش فى الخطوبه
posted by الســـاحر @ Saturday, February 24, 2007
24 Comments:
أنا اول كومينت
أنا اول كومينت
انا اول كومينت على احلى حاجه قريتها ليك...ايه الحلاوه دى...القافيه لذيذه اوى اوى اوى يا خالد هو دا السهل الممتنع..والوزن مظبوط جدا....اما الفكره عبقريه واول ما قريتها فرحت جدا بيها...رهييييييييييييييييبه والله من غير مجامله...عجبتنى يا خسارة البريزه والوقت اللى ضاع...بس انت اللى غطان طالما مامعكش غير بريزه حوش عليها وهات اغلى..,,ودا اللى انت قولته ف الاخر.. لما قولت دور ع القلب الغالى....انت كاتب حدوته صغيره فيها الشفا بصرحاه...متعتنى يا بوب..حقيقى مزاجى اتعدل اوى
أكتب بمزاجى بقى أصل أحمد قاعد على الجهاز اللى جنبى وبيكتبلك الكومينت من الصبح قبل ما الجهاز بتاعى يفتح أصلا
وبالتالى انا كده حكون الكومينت التانى
يا عم أوعى تنزل تشترى قلوب خلى الناس هى اللى تحاول تشترى قلبك
الفكره حلوه وجديده
ايها الناس و الخلق...عاد ملك الاسلوب السهل والفكره العبقريه.....الساااااااااااااااااحر
الله يا خالد
جميلة قوي
بس اشمعنى بريزة
ملقتش ارخص من كده
سلاماتي و احترامتي
اولا حمد الله على السلامة وبجد وحشتنا وجميلة قوي دايما مبدع وافكارك جديدة
تحياتي
جميله جدا فكره جديده وجميله ومعبره
احييك يا ملك الرومانسيه
صباح الخير
دى اول زيارة لمدونتك وبجد عجبنى اسلوبك الساخر فى سرد المواضيع
ولكن من قال ان القلوب تباع وتشترى
ومن قال ان الحب نبحث عنه
الحب يأتى مصادفة فتبقى اجمل المصادفات
تحياتى
ملك المصرية
على فكرة .. الإسلوب فيه كوميديا وبالتالي خرجت شوية برة الخط الرومانسي اللي كنت ماشي فيه
لكن عموما تجربة جيدة وبأتمنى ليك التوفيق
ازيك يابنى
انا قولت اجى لحد عندك
واقولك حمدلله على السلامة
بالنسبة للقصيدة
معجبتنيش
ومحستهاش
مش عارفة ليه
اتمنى اشوفلك حخاجة احلى زى زمان
حلوه جدا
ايه الحلاوة دي
كلام زي العسل ومعبر فعلا
سعيدة اني زرت مدونتك الجميلة
بالتوفيق
باسمه
ابقى شوف لى واحد معاك والنبى يا دكتور
ايه ياعم الساحر ...هو فيه قلوب رخيصة كده .........عالعموم الكلا م جميل وأهي فكرة برة سوق القلوب
ارتجال جميل
وده ميمنعش انى زهلان منك
انت نسيت ايمن فاروق
تحياتى ليك
بجد حلو أوي أوي أوي
جميله
بجد عجبتني
حسيت بمأساه بطعم السخريه
مرحبا بك مجددا
يا عم ما انت اللي استرخست وجبت قلب ببريزة يا شيخ حرام عليك ف قلب يبقة ببريزة ههههههههه
لا بس حلوة والله بس ابقى حوش علشان تشتري حاجة اغلى ماشي :)
جميلة جدا يا خالد
بس انت قولت مش هتطول
وقولت كمان عندى حاجات كتير
فين بقا
دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له
وذلك يوم
الجمعه الموافق 9/3/2007
بدار الاوبرا المصريه
كوفى شوب الابداع
بجوار دار الابداع بداخل الاوبرا
والدخول للمكان من البوابه الخلفيه للاوبرا امام النادى الاهلى
والحضور بالملابس الشتوية
فينك من زمان
فكرة حلوة
ايه يابوب انا نزلت كومنت
هو فين
لا اله الا الله
حتى الكومنتات بتسرق
على العموم انا كنت عايز قولك
ان القلب
ابو بريزه
ما لهوش ضمان
بس حلوه يابوب
فعلا في الزمن ده صعب تلاقي قلب تشتريه
ولو لقيت يبقي بالغالي تجيبه
ولو حنيت وزاد الحنين
فجئه يبيعك بارخص مأنت اشتريت
ايه رايك في المقطوعه دي بقي
طبعا ولا احلي من كده
شكرا للبوست كلامك مضبوط ميه الميه
Post a Comment
<< Home