فاكره حبيبتى...؟؟
فاكره حبيبتى اسمى واسمك وبينهم قلب على شجره التوت
ودبلتين ليه وليكى حبيبتى عملتهم من فتل وخيوط
وكتبنا انا وانتى معاد زفافنا على الدعاوى والكروت
فاكره حبيبتى....؟؟
فاكره لما جيتى وانتى بدمعى
وقلتيلى ماحناش لبعض ومشيتى منغير ماتسمعى
وقلتلك بتقولى ايه..رايحه فين ارجعى
فاكره حبيبتى...؟؟
ومن ساعتها ياحبيبتى انا ماشفتكيش
من كتر مابكيت عليكى بقيت ماببكيش
ومن كتر ماحكيت حكيتى اصبح كلامى السكوت
وبقولها ليكى ولكل الناس حبيبتى بعلو الصوت
انتى اغلى حب عشته من يوم مااتولت لحد مااموت
ومر الزمان وادى ايام وسنين بتفوت
ومش باقى غير دبلتين واسمنا اللى على شجره التوت
فاكره حبيبتى....؟؟
posted by الســـاحر @ Tuesday, November 28, 2006
14 Comments:
كلمات جميلةمنك يا ساحر
ازيك ياخالد....يارب تكون كويس
ايه ياابنى ماشاء الله الكلام الجامد ده فظيع والله بجد
بصراحه كل مره بدخل عندك بتعقد واقول مش هدخل تانى بس كلامك حلو ماشاء الله بيخلينى لازم ادخل اقراه
ربنا يكرمك يارب
حلوة اووووووووى و بسيطة
و برغم حزنها و شجنها لكن فيها هدوء جميل
الساحر خالد
بقالى كتير مكنتش عارفة اجيب عنوان مدونتك بعد اخر فرمته للجهاز
الحمد لله النهاردة جبته
جميلة اوى و رقيقة و هادية
تحس فيها بنعومة الحزن
تحياتى ليك
جامده اووووووووووووووى
وبجد انت وحشتنى كتير اوى
جميل جدا كلامك يا ساحر
بجد انا انفعلت معاه اوى
حلو قوي البوست
كلامك من بسطه و رقته وصل للقلب و الاحساس
تحياتي
كلامات بسيطة ورقيقة جدا جدا
احساسك رائع يا ساحر رغم الحزن اللي فيها دا بس حلوة اوي
تحياتي
:)
ساحر والله يا ساحر
انت فين ياباشا
منور .. كلماتك جاااااااااامده المرادى بجد
ربنا يوفقك
خالص مودتى
هايله اوووووى ...فكرة انك تنهى القصيده بنفس البدايه دى هايله اوى
حكيت عن الحكايه ونهيتها بذكرى لسه موجوده..مش عارف ليه حسيت ف الاخر بصحرا وهوا وحته من فيلم الوساده الخاليه...برافو عليك
وكويس انك بطلت الكلمات المكلكعه للى
ممكن تستخدمها ف القصايد العامه والحلمنتيشى
...ومعلش بقى انا دايما بتأخر عليك فى الكومينت
ادعيلى ربنا يوفقنى واكون اول كومينت
فين يا با اليوزر نيم الباسوورد؟؟
وسلملنا بقى ع التروماى
جااااااااااااااااااااااااااامده
مووووووووووووووووووووووووووووووت
بجد مالهاش حل
بس خلي بالك وانت بتكتب علشان في حروف بتقع منك
ياااااااااااه على الحب الحقيقى كلماتك بتقول ان جيلنا بيعرف يحب ويتعذب ويكتبf كلام حساس ورقيق اوى كده كلماتك العذبه فكرتنى باغنيه حبيبى الاولانى لرامى صبرى
ياااااااه
الكلام معبر اوى ورائع بيجسد الاحساس
كويس اوى
لما قريت فى البدايةتخيلت القصيدة عتاب على اللى حصل فى عتاب فى الاخر بأنك بتفكرها ومش هترجع لقيته حنين
وكأنك بتكلمها فى خيالك
بس الجزء دة
اغلى حب عشته من يوم مااتولت لحد" مااموت"
ماتستحقك تقول كدة
ربنا يوفقك
Post a Comment
<< Home