بحبها ..ولكن
عايز ابعد وفى نفس الوقت بحبها
بحلم بنظره عينيها وافرح لو شوفتها
وكل الناس حواليه محدش مرتاح لها
يحكوا حكايات عن طبعها وانا واقف مستمع
ملاك او مش ملاك..انا مش قادر اقتنع
وحكايه حبى ليها دى السهل الممتنع
باين عليها بتحبنى وبعدى عنها هيخسر
وحتى لو قلت هبعد..انا عرف نفسى مش هقدر
دى صوره طبق الصل من اللى فى خيالى
وكل ثانيه نظره عينيها بتقطع حبل افكارى
بنظرتها بتكسر كل الحواجز جوايه
طيبه ولا لا..اخرجوا انتوا من الحكايه
اول ماشوفتها قلت هى دى
واول ماشفوها قالوا الا دى
اللى ايده فى الميه مش ذى اللى فى النار
كل الناس عايشين وانا اللى محتار
غاليين عليه وبحبها ومش قادر اختار
فى النهايه هقولها قويه..ايوة حقيقى بحبها
وبعشق نظره عينيها وقوامها وطبعها
ودى رساله بوصلها ليها وللدنيا كلها
24 Comments:
:) يا عيني عليك اسمه ايه ده وحش اوي اللي اسمه الحب ده
انتوك
خالد....انت اعز صديق ليا...خايف يكون قصدك اللى ف بالى بس فى كل الاحول انا اتأثرت اوى بيها
بفرح لو شوفتها وكل لناس حواليا مش مرتاح لها...اول ما شوفتها قولت هى دى...بجد فعلا انا اول ما شوفتها قولت هى دى...اللى كاتبها دا مش كلام اللى كاتبه دا احساس...احساس ترجمته لحروف
لازم اقابلك الناهرده يا اجمل بنى ءادم ف الدنيا
كعادتك حتفضل رائع و كعادتي حقلك ما اروعك في التصوير يا شاعر مش ساحر
لو هي فعلا عجباك انسي الناس
اصل الناس فقر و تحب جنازة و تشبع فيها صويت
تحياتي
هوه بعينه بغباوته
يلا يا مسهل
تحياتى
انت المره دى متالق فوق العاده والكلام طالع من قلبك بجد
ايه ياخالد انت وقعت فى المصيده ولا ايه
هههههههههههههه ...... بس بجد الكلام جامد جدا كالعاده واحساسك عالى جدا ربنا يوفقك
اد ايه كلماتك جميله
بسيطه اوى ورقيقه
حسستنى ان هى الدنيا كلها
جميل اوى انك تصادف الاحساس ده وتعيشه
بس الاجمل انه يكون للحد الصح
هو دا الحب بجد
احساسك حلو اوي يا ساحر وباين في كلماتك الراقية
بس مينفعش تخبي عينك عن كل حاجة في اللي بتحبها وكل عيوبها لمجرد انك بتحبها لازم العقل كمان يشتغل مع القلب اعتقد
تحياتي ليك على الروعة دي
:)
الصورة مش ظاهرة عندي
بس كلامك ده ممكن ينطبق علي مصر
و حبنا ليها رغم كل سلبياتها و انتقاض الناس ليها الا انها حلوة في عنينا
الفكرة حلوة لانها تحتمل اكتر من معنى
الي الامام
تعرف المثل المصرى الكح اللى بيقول
مراية الحب عميا؟؟
هو دة ترجمة كلامك يا عزيزى
انت شايفها من الجانب الجميل
عين العاشق
وعين العاشق لا ترى الا كل جميل
أينعم ليست عين كاملة
لكن لاأحد كامل
عينك التقطت جمال غائب عن اعين المنطقيين والمتفلسفين
-------
ان كنت تعشقها
فاستمر فى عشقها
فبوصفك
هى تستحق رؤيتك الجميلة
والايام كفيلة بكشف العكس
ان وجد
تجياتى يارقيق القلب
حالة
حلوة وجميلة ومش واقعية كعادة المحبين
اتمنى لك السعادة
كل كلمه وراها احساس جميل ونبيل طلعت من القلب ووصل للقلب طوالى
ياريت كل اللى بيحبوا بيكتبوا كلام رائع كده
حلو قوى انك تحب حد بالشكل ده
وانك تشوف فيه اللى الناس ممكن ماتكونش شايفاه
استمر فى حبك ولكن لاتصم اذنك تماما
اوعه تفكر انك تسمع كلام الناس اسمع كلام قلبك مرة واحده حتى لو غلط اتعلم اتجرح مش عيب ما كل الناس اتجرحت وممكن يكون حب صادق من نحيتك ومن نحيتها وتطلع هى اللى صح وهما اللى غلط تطلع انت اللى غلطان فى الاخر فكر كويس واسمع كلام قلبك حتى لو مرة واحده اوعى تسمع كلام عقلك هيوديك فى دهيه غيرك مجرب والمثل بيقول اسئل مجرب ومتسئلش طبيب ... وانت شفت البوست بتاعى ولا انت عايز تبقا زى تقول ليه وترجع تندم انك عملت كده اوعى تسمع كلام حد
حبها و حبها و حبها
بس انت الوحيد اللى هيتعذب بعد بعدها
لو هى فعلا متستهلش انك تحبها
هتقدر تتحمل نتيجة قربها ؟
وقعت و لا الهوا اللي رماك يا ساحر
:)
الساحر
انت فين يا رب تكون كويس؟
سلام
طب يا تلرى هى عرفت ولا لأ؟
اوحش خاجة اما تبقى عايز تبعد و مش عارف
احساس جميل
من قلب برئ
زي قلب الوليد
كله حب و حنيه
و مفيهوش كره او ازيه
يا بختك يا عم :-)
بتحبها يبقى متقولش لكن
ربنا يوفقك
بجد أنت قريت اللى فى دماغى وكأنك عارف كل حاجه عنى ويمكن أكتر منى أنا حاسس الكلمات اوى
ربنا يخليك لينا وتكتب كمتن وكمان
سلاااااااام حستناك لما تنزل ضرورى
يا صديقي الساحر اتمنى انك تكون بخير
طولت الغيبة علينا
يارب تكون كويس وفي احسن حال
سلام
كلام خرج من القلب فوصل الي القلب
LMAO !
Post a Comment
<< Home