فين حبيبتى؟؟؟
اولا كل سنه وانتوا طيبين بمناسبه عيد الفطر المبارك
ثانيا القصيده دى هى فعلا اللى انا عايشه دلوقتى..ودى حاجه حلوة اوى ان الواحد يكتب حاجه هو عايشها فعلا..
وفى بعض الناس تصوروا علشان انا كتبت قصايد رومانسيه كتير..انى غرقان فى الحب..لكن ده مش صح
لان انا بكتب ده من خلال خبرتى فى الحب..لانى اتحبيت وحبيت كتير
لكن القصيده دى هى فعلا اللى انا عايشها دلوقتها بالظبط علشان كده هى فعلا عجبانى اوى
ويارب تعجبكوا
لان انا كنت مستنى العيد علشان انزلها لان دى اكتر قصيده عجبانى ..فا انا كنت مستنى مناسبه حلوة انزلها فيها
واخيرا كل سنه وانتوا طيبين
ويارب القصيده تعجبكوا
فين حبيبتى اللى هحبها
اعرفها ولا عمرى ما شوفتها
تعرفنى ولا حالى زيها
قلتلها بحبك ولا لسه هقولها
بس حقيقى مش مهم شكلها
اهم حاجه عندى هو قلبها
ياترى هقبلها صدفه
فى مقابله سريعه خاطفه
وايه هيكون شعورى وقتها
وياترى هتحبنى ذى ما هحبها
وهتحب فيه صفاتى كلها
هى فين؟؟؟
لو قريبه منى اندهلها
ولو بعيده عنى اروح لها
ولا هتجينى هى لوحدها
وياترى حبت حد قبلى..ولا قلبى هو اول بختها
ولو فى يوم غصب عنى زعلتها
هتزعل منى ولا هتكتم فى نفسها
ربنا يخليها ليه وما يحرمنيش منها
حبيبتى اللى عمرى ماشفتها
فين حبيبتى؟؟؟؟
posted by الســـاحر @ Monday, October 23, 2006
28 Comments:
rabina eb3atlak bint el7alal,
very cute an dnice poem like its previous ones
ta7eyati.
اسلوب جديد وجميل
زي الي تعودنا عليه منك
يا رب تلقيها قريبا جدا جدا
وكل سنة وانت بخير وعيد سعيد
ومحظوظة جدا الي حتكون حبيبتك
:)
تحياتي
أكيد أكيد هتكون من زائرات مدونتك الكرام
عايزين نفرح فيك قريب ..سوري قصدي نفرحلك
كل سنة و أنت طيب
والبوست جميل زي أي بوست بتكتبه
مش غريب عليك الجمال دة
هي فين حبيبتك صحيح يا رب يبعتهالك عشان تسمع الكلام اللي يجنن دة
كل سنه و انت طيب
rsd2 enak 7altak most3seya bgd, da marad mozmen ba2a,bas brdo matey2sch fi 7alat as3ab mn keda w et3alget...
Aham 7aga el iktchaf el mobakir,,
laa taqlaq ya a5i la taqlaq...
كل سنه وانت طيب يا ساحر يا عظيم و يا رب تلاقي محبوبتك و تسعد بيها زي ما اكيد هتسعد هي بيك
كل سنه وانت طيب يا باشا وسورى للتاخير
تحياتى ديما لكلك ولكلماتك الرقيقه
كل عام وانت بخير وتقبل الله منا ومنك صالح الاعمال
ياخساااااااااره كان نفسى اكون اول كومينت عشان اخد الهديه يالا بقى تتعوض مره تانيه
اما بالنسبه للكلام اللى انت كتبه ده مفيش تعليق عارفه اقوله عليه بجد احساس جميل اوى ويابختها بقى اللى هيتقلها الكلام ده ويارب تقابلها قريب بس ابقى قولنا بقى
وكل سنه وانت طيب
:)
لا انا متكلش اونطه العديه حاخدها يعنى حاخدها
بص الحاجات دى بتيجى على غفله زى كده لما تتخبط على راسك ربنا يستر وتكون خبطه ماتموتش
بس ان شاء الله تلاقيها
وعيد سعيد
فانتازياااااااااااااااا
فانتازيااااااااااااااااااااا
حتلاقيها
ان شاء الله
انزل انت بس هات اتنين كيلو كحك
و بيتيفور
و ايدك ع العيدية
و ادعي ربنا
حلوة يا معلم
تحياتي
كل سنـه و أنـت طيب وأنت حبيبها
طلـب : خليها فى مكانها و أوعى تلاقيها عشان تفضل تقول كلام حلو كده
نصيحه : أوعى تلاقيها أصل هى فى مكانها أحلى واحده و ملاك لكن لو لقيتها هتتعب مع الدنيا
أقول إيه بس ...يقطع الحب وسنينه
:)
كل سنه وأنت طيب
وياترى حبت حد قبلى..ولا قلبى هو اول بختها
يفرق معاك الموضوع ده؟
ولا ايه
كل سنة وانت بخير
كل سنة وانت طيب حبيت اقولك عيد سعيد وربنا يخليك وتقابل حبيبتك قريب
..لانى اتحبيت وحبيت كتير
:D
المهم انك بدأت بكلمة اتحبيت قبل حبيت
حلوة يا الساحر
ازيــــك
كل ســـــنه انت طيــــب
عيــــــد سعـــــــيد
كل سنه وانت طيب
وعيدكم مبارك
كل سنه وانتو طيبين جميعا
وكل سنه وانتو بالف صحه وسلامه
وعيد مبارك
وتعالو شفو الجديد
كل سنة وانت طيب ..يارب اسعد قلبك يارب ولا يحرمنا من مشاركتنا مشاعرك
كل التوفيق اتمنى لكم
ايه ده كله
يارب تلاقي حبيبتك دى قريب ونفرح بيك
وكل سنة وانت طيب وسعيد
رائع يا ساحر البلوجات
كل سنه وانت طيب
to el7agga
applause
جامدا جدا دي
تسلم ايدك يا جميل
استمر
وابقى اتفضل عندنا
:)
كل سنه وانت طيب
والاغنيه دى احلى حاجه سمعتها كنت مستنيها لانك يا صاحبى زيي ظروفك زيي وبتدور عليها زيي
طلعت من جوايا احساس ماقدرتش اطلعه
عبرت اوى عن فكره عايشين ودايبين وحيرانين معاها
والاسئله اللى انت كاتبها هى فعلا اسئله عمالين ندورلها على اجابتها ونحلم بقى فى عالم اجابتاها ونتخيل ونعيش
ح تلاقيها يا خالد
وهى ح تلاقيك ويارب تلاقى اللى انت عايزه فيها
عاوزه أدور على تعبيرات جديده تدل على عميق اعجابى بأسلوبك
احساسك العالى وصلنى
كلماتك جميلة فعلا ويارب يرزقك بالحبيبة اللى تطلع لها كل ابداعاتك
صفحتك جميلة وان شاء الله دى مش هتكون اخر زيارة منى
تقبل تحياتى
والله باسم الله ما شاء الله
بصراحه اسلوبك حلو وكلماتك معبره وبتعبر عن احساسك اللى جواك
ربنا يوفقك
على فكره صح نسيت اقولك انا مين
انا وائل يا امير الرومانسيه
Post a Comment
<< Home