مش عارف؟؟
مش عارف؟؟؟اكتب ولا اشاور ولا اغنى
فى كلام جوايه.. عايز اقوله غصب عنى
عارف الصح من الغلط لكنى
مش عارف؟؟؟
وقت الغلط ميت فله
وبعده بحس بمذله
اكمل فى الغلط ولا
مش عارف؟؟؟
لا الغلط عاجبنى
ولا الصح سايبنى
لا قلبى عاجبه
ولا هو عاجبنى..وانا
مش عارف؟؟؟
انا صح ولا غلط
قلبى حنين ولا زلط
ماشى عوج ولا انظبط
مش عارف؟؟؟
posted by الســـاحر @ Wednesday, November 22, 2006
11 Comments:
عارف أن أجمل حاجة أنك سميت اسمك ساحر ...
قلبى حنين ولا زلط
ماشى وعوج ولا أنظبط
رائعة جدا ..أصلها بتعبر عن توهنا
وأننا زى ما أنت قولت مش عارف
معلش اتأخرت عليك فى الكومينت...المهم
ياجماعه الواد دا يبكدب عليكوا...دا هو يعرف كل حاجه...بس عامل عبيط..والله العظيم عامل عبيط...÷ههههههه...صاحبى وانا عارفه بقى ح اعمل ايه...خالد من الناس القليله بجد اللى يعرفوا الصح من الغلط ودايما تحس انك محتاج تشاوره او تاخد رأيه...طبعا محدش ح يقرا الكلام اللى انا قولته دا...احسن برضه.ههههههههه
وسلملنا بقى ع التروماى
طالاما انت في الحيره دي
يبقي انت علي الاقل مش صح
وحشتنا في بلدك يا ساحر
جامده اوى على فكره وفكرتها جميله واسلوبك أجمل بس ليه تكمل فى الغلط وأنت عارف أنه غلط أنا شايف الصعب فى البعد عن الغلط مش أخذ القرار
لو انت شايف ان الصح و الغلط شيء واضح بالنسبة لك يبقى يا بختك
والله ان اكمان مش عارفة
لخبطني يا ساحر بزيادة
بس برضة اسلوبك جميل
حاله طبيعيه
وكل انسان طبيعي يمر في هذه التناقضات
كلام جميل
:)
يا سيدي
ده العادي
الحيرة جزء من طبيعيتنا
ربنا يلهمك الصواب
:)
جميلة كلماتك
مركزة
الحيرة دي حاجة طبيعية
مرة في مرة هتقدر تعرف الغلط من الصح
استخير ربك واستفتي قلبك هتعرف الصح فين
وبعدين الغلط طبيعي في لحظته بيبقى زي ما قلت ميت فلة لان فيه الشيطان اللي بيحليه في عين الواحد لكن بتبقى لحظية وبعد كدا برده زي ماقلت بيبقى مذلة
فرحة لحظة ولا فرحة دايمة وفي كل لحظة؟؟؟
ميت فل وعشرة كمان يا باشا
ايه الكلام ده اغيب اغيب وارجع الاقيك اجمد من الاول انت والدكتور احمد باشا لا فعلا جامدة
حالة التوهان دى بتبقى من اصعب الحالات اللى ف الدنيا
و بتبقى اسواءها
Post a Comment
<< Home