مسك الختام
لسه كرسى العرش فاضى ومستنيكى
والفرح حالف مايدخل قلبى الا على ايديكى
شفت عيون حلوين ولسه الحلو فى عنيكى
ياجميله والجمال اغنيه
شفايفك الكلمات
وعيونك النوته الموسيقيه
ياملكه الملكات
شعرك التاج..لونه معلومه سريه
وخدودك الشربات
اسقينى منهم مره واتنين وميه
والرمش والحركات
مافى حد نجا من السحر و الجاذبيه
لو جابوا احلى البنات
اجمل بنات الدنيا فى جمالك شويه
حبيت كتير وكتير لكن دا كله كلام
وحبك انتى ياغاليه هو مسك الختام
posted by الســـاحر @ Saturday, May 12, 2007
24 Comments:
بجد بجد هايل
ببساطه و رقه كتبت أجمل الكلِمات
تحياتى أيها الشاعر الفنان
بس قولي يا خالد انت شكلك كده غاوري رومانسية ده من ايه
الفكره جميله بس واضح انك مش بتهتم بالوزن يعنى الفكره بتغطى شويه بس جميله والله يا خالد
عايز أشوفك قبل ما تسافر
أوكى يلا سلام
Blogues puts all the MADELEINE photo in yours, a girl of 4 years of age that was abducted in day 4 in the Beach of the Light, in the Algarve, Portugal. They send the image of MADELEINE to all blogues of Morocco, Tunisia and Argel, thanks a lot
وعيونك النوته الموسيقيه
الله دى جمله جميله اوى
كلماتك جميله اوى بجد
وميرسيه على زيارتك ليه واتمنى انها تتكرر
وعيونك النوته الموسيقيه
الله دى جمله جميله اوى
كلماتك جميله اوى بجد
حبيت كتير وكتير لكن دة كله كلام
وحبك انتى ياغالية هو مسك الختام
ياسلام على المشاعر
لا وبتعترف يعنى انك حبيت بس حبها هى كان مختلف
عجبتنى اوىىىى البداية
لسة كرسى العرش فاضى ومستنيكى
والفرح حالف مايدخل قلبى الا على ايديكى
حلوة اوى الحتة دى
فى تعبيرات كتير حلوة مش هقدر اقولهم كلهم
زى التشبيه بالنوتة الموسيقية
روعة ياساحر
ربنا يوفقك دايما ويفضل قلبك سعيد وتمتعنا
______
كانت وحشانى زيارتك لمدونتى
وكمان وحشتنى زيارتى لمدونتك ياريت تعذرنى لغيابى وانشغالى
وشكرا على اللقب الجميل
تحياتى ياملك المشاعر
السلام عليكم
انا اسفه جدا على التاخير انى اكتب كومنت
بس اللى اخرنى انى كنت بقرأ المدونه كدا وبفصصها براحتى :D
اختيار الاغنيه تحفه عيشتنى فى جو مش قادرة اوصفه ليك
البوست الاخير اكثر من رائع بيدل على انسان رقيق وبيعرف يحب بجد
أحيك يا ساحر بجد فا انت فعلا ساحر :)
?????????????????
???????????
بس خلاص
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوست بعنوان
أن تكون أبو الفـتوح شوشة
حملة الإفراج عن شيخ المجـاهدين :
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf
جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007
طيب هو انت يعنى ساكت على نفسك ليه
انت تحفة بجد ولازم كلامك ده يوصلها و يوصل للناس كلها
المرة دى الاسلوب مختلف شوية بس جميل
عجبتنى
والرمش والحركات
مافى حد نجا من السحر و الجاذبيه
تحياتى
لله عليك بجد الله عليك
حلوة
حلوة
حلوة
كويس قوى
بس بنصحك تقرا كتير
وتدرب ودنك على الشعر
وتحاول تهتم بالوزن
بحييك
انا قريتلك قبل كده اول ما عملت البلوج
انت بتتقدم
كويسه على فكره
استمر
كلام بسيط و معاني كتييييير جميلة
احييك على اسلوبك
اختيارك للكلمات فى احساس حلو قوى
احساس فنان بجد
انت رحت فين يابنى
كلامك جميل جدا
بس
بوسه بكرسي السلطنة
يا عينى يا عينى
هو انا اغيب شوية
يحصل كل ده
ايه يا عم خالد الجمال ده كلو
حبيت كتير وكتير بس كان كله كلام
وحبك أنتي ياغالية هو مسك الختام
مفتكرش في احسن من كده في الدنيا
ولا في تعليق واحد يعبر عن اللي حسيته من كتباتك
تحياتي ليك
بجد مدونة جامدة جدااا
وبوستات رقيقة موت
ورقتها من بساطتها وتلقئياتها
الله عليك يا ملك الرومانسيه متالق كالعاده
رائعه
بجد كلام رائع و
جماله في البساطة
والكلام في منتهي الرقة
الله يا خالدعلى الاحساس الرقيق بجد كلماتك رائعة وتجنن بجد مش لاقية كلام يعبر عن اعجابي بكلماتك
بجد رائعة
حلوه اووووووووووى ياخالد...لسه زى ما انت فيك كتير من احمد فؤاد نجم
من كلامك ومن افكارك
والجميل بقى ف مسك الختام دى انك يا ما كلمتنى عن الموضوع دا وادينى بقراه بس بقافيه ووزن
وبس ايه مسك الختام دى؟ تكونش ح تعتزل اخيرا؟؟ قول طيب نعملك مهرجان اعتزال ونلم قرشين كدا يساعدوك فى حياتك
ادخل عندى ح تلاقى مفاجاه يا معلم
Post a Comment
<< Home