نصيبى وقسمتى
انا عقلى هو الملك
ماشى بالزنبلك
لايشارك ولا يشترك
الا بموافقتى
قلبى حقيقى مصيبه
دايما جايب لى الخيبه
ولا عمارتله حبيبه
اااامن له على جثتى
خليك ياعقلى جنبى
اوعى تسمع لقلبى
ماتحسسنيش بذنبى
سكته غير سكتى
بووظت ياقلبى الزنبلك
خلاص بقيت انت الملك
وهترجع تحب وتنشبك
اهو دا نصيبى وقسمتى
posted by الســـاحر @ Friday, July 06, 2007
15 Comments:
يشرفني يا خالد اني اكون اول تعليق
بس ايه ده يا خالد باشا
ايه الحزن اللي انت دايما عايش فيه ده
البوست اللي فات برضه كان حزين
ليه انت مش متفائل كده
بص
نصيحه مني
ساعات القلب
بيبقي احسن
من العقل
ساعات بيقولك حاجات متقدرش تدركها بعقلك
صح ولا ايه
تحياتي
كلامك جامد بس حساة صادق اوى وفية احساس
كلامك حلو
بوظت الزبلك ف الاخر....دى النهايه اللى مستنيها
كتبت الفكره باسلوب مالوش علاقه بالرومانسيه يا خالد...ومع ذلك تحس روح الرومانسيه في الموضوع
فاكر انت الحوار اللى بين العقل والقلب انت كتبته قبل كدا؟؟
دا الجزءالتانى...ومش الاخير...اكيد مش الاخير
النصيب والقسمه حظ....بس القلب بيخليك تحب الحظ دا حتى لو فيه هلاكك
والعقل بيمنعك عن الحظ...اللى لو سبته برضه ح تلاقى هلاكك
تحياتى....
على فكره انا مستعد اعمل خمستاشر كومينت وانا قاعد حالا يا معلم...وانا رافع ايدى كمان من ع الكيبورد....يعنى قصدى انجز واكتب الموضوع اللى بتقول عليه...ورينى كدا؟؟
برضه القاعدة والاساس في كلامك الرومانسية
حلوة أوي حكاية الزمبلك
وكمان قلبي ده مصيبة
دايما جايبلي الخيبة ولا عمرتله حبيبة
جاااااااااامده جدا
حلوة بجد وصف حلو
تحياتي
يا ملك الرومانسية
برضه القاعدة والاساس في كلامك الرومانسية
حلوة أوي حكاية الزمبلك
وكمان قلبي ده مصيبة
دايما جايبلي الخيبة ولا عمرتله حبيبة
جاااااااااامده جدا
حلوة بجد وصف حلو
تحياتي
يا ملك الرومانسية
جميل يا خالد
بتعرف ازاي توصل وتعبر عن اللى جواك
ربنا يوفقك
خلى عقلك هو الملك يا خالد
هتكسب كتير اوى
نصيبنا وقسمتنا كلنا يابنى
هوا حد يكره كدا ولا ايه !!!
مفيش داعى للحزن تانى
واهوا لواحديرضى بالقسمو والنصيب هيرتاح
تحياتى
انا متفقه مع كلام مداح ونورهان مفيد جداااا
جميله يا ملك الرومانسيه
بجد بجد رااائع
البوست ده عجبني اوي
كوول
;)
ايه الدماغ دى بتفكرنى بواحدة أعرفها
بس بجد كلام جامد
تحياتى
بقالى كتير مادخلتش هنا بس الامتحانات هى السبب
جميله جدا ماقلتش جديد يعنى
على فكره انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه
اذيك ياساحر
يارب تكون بخير
شوف يا ساحر انا رأيي ان القلب لوحدة ف موضوع الحب مش كفايا
زاذا مكنش مدعم بالعقل فمش بيستمر كتيير ...لكن لما يكون الحب نابع من اقتناع عقلى وتوافق ف كل حاجه طريقه التفكير...الاهتمامات
كل دة بيقوى الحب وبيسندة ضد اى ضغوط وبيساعد ف تصدى مشاكل الحياة الى لازم نعترف بوجودها
والف مبروك يا ساحر على الحب الجديد ونسمع عنك كل خيير دايما
kalamk gamd awe ana b7b el 7agat de awe.. bs msh b3rf aktb zyk..
Post a Comment
<< Home