بحبك
اجمل صوره ليه شفتها فى عيون حبيبى
دى احلى عيون فى الدنيا عيون حبيبى
يااااه عا لى بيحصلى لما بتسلم عليا
ولا لما تنطق شفايفها اسمى وتنادى عينيه
حبيبتى عشانها نزلت اول دمعه منى
لما فكرت لثوانى ..انها بعيده عنى
حبيبتى وشها مرسوم عالقمر
وحنانها شعاع الشمس وكلامها القدر
صورتها جوه قلبى..فى برواز من دهب
بشوفها بحب الحياه كده من غير سبب
كل الدنيا ياعيونى ولا تسوى شعره منك
ولو فاضل فى عمرى ثوانى هعشها ياحبيبتى جنبك
يقل الحب فى الدنيا ويزيد جوايا حبك
وهفضل اقولها علطول بحبك..بحبك..بحبك
posted by الســـاحر @ Monday, October 02, 2006
27 Comments:
اولا انا بهنيك انت على انى اول كومينت عندك..دا شرف ليك...ثانيا ايه اعتقد ان هو دا خالد لما بيحب كل كلمه كتبتها بتوصفك لما تحب ويمكن انت بتحب اكتر من كدا..انت جه فى خاطرك ملامح وتصويرات انا كاتبها ولسه ما نزلتهاش بس اكيد انت تكسب...يا ساحر
ya5i 7abitak om regl maslou5a ,,e7na olna eh?? mch n5alina fil saydala a7san?!!
kefaya 3alina mostafa kamel wa7ed, ya sa7er erga3 l rochdak el saydla m7tagak da a5er ta7zir!!!!!!!!!!!
دي عايزة تتلحن
و تتغني
يا عم الساحر
انا بس عندي اعتراض علي جملة واحدة
كل الدنيا ياعيونى ولا تسوى شعره منك
و هذا في رأيي المتواضع
معلهش لو بغيب بس في الزيارة..انت عارف المطبخ البلوجراوي مفتوح 24 و ايدي مش فاضية
ههههه
جميلة كلماتك وجميل احساسك
ربنا يوفئك :)
حبيبتى وشها مرسوم عالقمر
وحنانها شعاع الشمس وكلامها القدر
ايه دي فعلا!! انا عاجزة عن التعبير ! مافبش غير كلامك هوة اللي يعبر احسن مني!
للامام يا فندم
ماتحرمناش من قصايدك الجميلة
ربنا يوفقك
كلامك جميل
و يارب احساسك يزيد اكتر و اكتر
وحبك في قلبك يكبر
نفسي اقراه كلامك بعد ما تتجوز؟؟؟
ياعم حيلك
يابختها
حلو المشاعر الصادقه
فانتازيااااااااااااااااااااا
فانتازياااااااااااااااااااااا
جميلة جداً ببساطتها وأسلوبها
الله ع الرومانسيه يا معلم
هو انا ليه كومينتاتي مابتوصلش؟؟؟؟؟؟؟
حلوة اوى
وبسيطة
تحس انها كدة
جوانا كلنا
وكلنا عشاناها
جميلة جدا
جدا
جدا
فعلا والله محتاجه تتغنى لأنها ملحنه نفسها
جميلة يا ساحر وناعمة
ومركزة زى الانتي بيوتك
:D
تحياتي
وشكرًا على زيارتك مدونتي
كل عام والجميع بخير
ماشي ياعم
لحنها بقي وانا اعرف اللي يلحن واللي يغني كمان
جميل ايها الساحر وكن ما نوع هذه القصيده؟
حبيبتى وشها مرسوم عالقمر
وحنانها شعاع الشمس وكلامها القدر
أزاى هى وش القمر وحنانها أشعه شمس ما ينفعش؟؟؟أنا شايف كده
صورتها جوه قلبى فى برواز من دهب
ياعم فى قلبك ولا برواز من الدهب
؟؟
لما بتشوفها بتحب الحياه عشان شايفها تقريبا يعنى
فى النهايه أحب أحيى نفسى على أول كومينت
والقصيده جميله أوى
سلاااااااام
بجد حلوه
ومعانيها دافيه
أستمر جايز فى يوم
تصبح كاتب أغانى
تحياتى
GOOD PLAY
ايه الكلام الجميل والاحساس الجميل ده
كلامك جميل جدا
بالرغم انى ضعيفة شوية فى الاتجاه ده
بس حلوة
البساطة فى التعبير بترشق فى ا لقلب بسرعة
ابقى عرفنى على اللى بتكتبلها :D
تحياتى
سورى المره اللى فاتت كنت مهيث شويه
بس بجد أحساسك عالى.
ربنا يوفقك
وصف جميل وكلمات كلها تفاؤل وحاجات حلوه كتير الواحد مش بيحس بيها يا رب دايما تتحفنا بالكلام الجامد ده
ربنا يخليكوا لبعض .. دامت لك جميله رقيقه و دمت لها
حلو الكلام
حبيبتى وشها مرسوم عالقمر
وحنانها شعاع الشمس وكلامها القدر
صورتها جوه قلبى..فى برواز من دهب
بشوفها بحب الحياه كده من غير سبب
gamila deh ya pasha..wle btektblha deh shaklaha hatetla3 ka2en fda2e fel a7'er :D
حاجه من الإتنين إما أنك تعرف ملاك محدش قبلك شافوا و إما أنك شاعر كبير وده ملاكك ... أنا بدأت أحبها من وجدانياتك ليها
حاجه من الإتنين إما أنك تعرف ملاك محدش قبلك شافوا و إما أنك شاعر كبير وده ملاكك ... أنا بدأت أحبها من وجدانياتك ليها
as i said before
very sweetbas elfekra msh gedeeda
enta te2dar te3mel explosions aktar law tatabt afkar gedeeda
w ma tez3alsh
(",)
القصيدة جميلة وربنا يكرمك
بس عندى تحفظ صغير على البيت (( كلامها القدر )) مافيش اى حد مهما كنا بنحبه كلامه القدر ............ انا اسفة بس ده رأيى وانا عارفة انك بتحبها اوى بس المرة الجاية ياريت تاخد بالك
سلام عليكم
Post a Comment
<< Home