لو تطلبى
حبيبتى لو عجبها القمر
قبل ماتقول ياقمر
يكون القمر بين ايديها
لو حبيت صوت المطر
دموعى تبقى المطر
واسمعها واشجيها
لو تعبت من السهر
اقفل بيبان السهر
واقف حارس على عينيها
ولو حسيت يوم بالخطر
الغى كلمه خطر
وبين رموشى اخبيها
وذكرياتها والصور
محفوره فى قلبى الصور
صاينها ومحافظ عليها
ولو عجبها لون الشجر
تبقى الدنيا بلون الشجر
واحقق كل امانيها
posted by الســـاحر @ Monday, October 09, 2006
41 Comments:
هـيـيــيـــية
انا اول كومينت اخيرا
:)
وعلي بوست حلو اوي كده
لو تعبت م السهر اقفل بيبان السهر
والغي كلمة خطر
لا بجد قويه جدا.. برافو عليك
الله عليك يا خالد ايه كل الكلام الجميل دا بجد بلا مجاملات انا قررت اتعلم موسيقى وشكرا على الدعم بتاعك وانا اعزف وانت تغني:)اصل كلامك الجميل لازم يتلحن
ويا بختها الي حتطلب القمر تلاقيه بين اديها طب ممكن لما حضرتها تزهق منه تبعتهولي ابص عليه شويا:)حلوه يا خالد اوي مش برضوه اسمك خالد..
يا بختها بيك اكيد
خليط من الرومانسية والرجولة واحساس الامان المفقود
دمت بسعادة
تحياتى
ايه يا رشا انتي جاية تعاكسيه هنا وسايباني باكلم في منجي والريفي هناك
ولا يعني علشان بيكتب رومانتك وانا باكتب سياسي(باعتبار ان ماحدش يعرف الكاتب هانسبه لنفسي):)
الشعر جميل اوي يا عم الساحر.....لو ينفع انضم لفرقتك انت ورشا...واجي اطبل...وممكن نجيب اوسه ترقس:)
سلام
اولا : احب اهنيك يا استاذ ساحر
اي بنت ممكن تسمع الكلام ده بجد ممكن تسحرها بيه
ثانيا : علي مستوي الشعر نفسه
عارف كويس حاجة اسمها وحده الشكل ووحدة البناء
الفاظك سهلة ومناسبة للحالة
*********************
حبيبتى لو عجبها القمر
قبل ماتقول ياقمر
يكون القمر بين ايديها
**********************
بس انا باخد عليك يا حلو التداعي والتكرار .. ماكانش لازم تكرر كلمة واحد تعمل بيها القافية ... ده مش حلو
ومش بيعمل موسيقي حلوة تستريح ليها وانت بتسمعها
لكن احب احييك علي الشطر التالت من كل مثلث انت كاتبه
لانك قدرت تحافظ علي قافية واحده فيها مش متكلفة
تحياتي
ادم ده كل ماكتب تعليق واعمل بوست الاقيه قبلي....انت صحيح لو حد سرق شعرك(مش ناوي والله)ايه حقوق الملكية بتاعتك؟
ياساحر الكلمات
بجد احساسك جميل وباين عليك رومانسى قوى ... يلا يابختها
لوتعبت من السهر
اقفل بيبان السهر
واقف حارس على عينها
عجبنى قوى المقطع ده سيبك من اللغه الشعري بس معناه رائع
وأنا مع ادم المصرى فى نقده للتكرار من أجل القافيه
وربنا يوفقك
فانتازيااااااااااااااا
فانتازيااااااااااااااااااااا
كرتنى باغانى منير القديمة
كلها جمال واحساس حر زى دة
تلقائية رائعة
تلمس القلب المحب
استمر للامام
إيه ده ....بجد أكتر من رائع عارف أنا بجد أول مره أشوف حد غالى على حد بالشكل ده
إيه ده ....بجد أكتر من رائع عارف أنا بجد أول مره أشوف حد غالى على حد بالشكل ده
قصيد ه جميله يا ساحر كلها رقه عيش يا عم بس خد با لك من البومب
تحيا تى
اهه ... ادينى جيت
بس ايه الرومانسيه دى كلها
ولو حسيت يوم بالخطر
الغى كلمه خطر
وبين رموشى اخبيها
يا سلام يا ساحر
كلام جميل جدا يا ساحر
انا شفت مدونتك كلها
فعلا جميلة
الي الامام دائما
eh ya 3am el kalam el kber dah?!
enta keda mdla3ha awe :D
la2 bas 7elw elkalam..te3bet mn el sahar w tgeblaha el 2amar..mm..la2 7elw!
أنت ساحر بحق و حقيقي بقي ..
يا بختها بس خد بالك من الروتين بتاعنا هنا في مصر ممكن يطلبوا منك دمغة
حلو أوي البوست ..من غير مجاملة والله
تعبير رائع
شكرا على سحر كلماتك ياساحر
ااااااه يااني
ايه يا عم الكلام ده
حلو الاحساس
و كمان ممكن تكتب احلي من كدة
زي حاجات سابقة ليك
نقد بناء و الله
عشان باحب اشعارك
:))
جميل جميل جميل...
تحياتى
(f)
خطييييييييييييييييره
يا خالد بجد روعه ودخلت دماغي اوي
واسلوبك دايما متجدد
انا بحسدك عليها علي فكره
هههههههههههه
لو حبيت صوت المطر
دموعى تبقى المطر
واسمعها واشجيها
جامده اوي احييك علي احساسك
صباح الرومانسية اللي على ابوها
في اية يا عمنا
السلام عليكم
دعوة للجميع هامة جدا , ارجو منكم زيارتى و الرد عليها
ma32ool?? f3lan??!! el kalam da 7a2i2i enta eli katbo? tab e7lf, tab 3eni fi 3inak keda!! asli mesh adra asd2 3enya ...ma32ool fi keda??!!
حلوة يا الساحر حلوة... بس تضمن تقولها نفس الكلام دا بعد الجواز؟؟؟ و لا هتطلع عينك لحد أما تقول لها جيبي لنفسك اللبن قصدي القمر :)
جميل جدا بجد
مساااااااء الخير
اولا البلوج كله رائع وفعلا زى ما كل الناس علقت يابختها باللى هاتقوله فيها وعشانها و اوعدنا يارب بحد يقولنا كده والله بتفكرنى بكاظم الساهر لما بسمعه بحس انى اتعقدت وانى خلاص مش هلاقى حد يعبرنى باى كلمه خالص ...بس انا واثقه انه لو قالى اى كلمه انا هصدقه وحتى لو كانت مش نفس المستوى ده
ربنا يكرمك وتفضل دايما كده...كلامك حلو
بص بقى
انا مش هقر
ولا هنق
لكن كل اللى هقوله
يابختها بيك
ستظل ساحرا ولكن بدون سحر
عالم التدوين اكبر من ان
تقوم فيه بممارسة سحرك
ههاهاههاااهاههههاهاهاهاه
لالالالالا يا زميل
ده انت جامد موت
اسلوبك رقيق وجميل
يسا سلام يا سلام ! يابختها بكل الكلام دة !
للامام دايما
Wow
e7em, howa hal ana elwa7eed elly shayefha mesh romanceyya????
we ba3deen feen beban elsahar di???
eb2a 2olly yabny la7san ezaher ana mesh men hena
حلوه قوى كل مشاعر الحب ديه
يا رب تدوم عليك
اسلوبك و تعبيراتك حساسه قوى
يا ريت قبل ما توصل لينا تكون وصلت للمحبوبه
تحياتى يا ساحر القلوب
جميله مليئه بالحب
عالم حالم رائع منسوج بخيوط من
امان ووفاء
ياااااااااااااااه
ايه الجمل ده بس
ده انت كده غلابت الناس كلها
بساحرك وكل حاجه
بس بجد اللى عجبنى اوى
لو حبيت صوت المطر
دموعى تبقى المطر
واسمعها واشجيها
لو تعبت من السهر
اقفل بيبان السهر
واقف حارس على عينيها
والمطوعه دى اسرت فيا اوى
وحستها بجد
والبوست كله جامد اووووووووووى
هيه انا اخر كومينت تقريبا ايه يا عم رمضان نازل عليك بالبوستات انا اخر حاجة شفتها الصورة الغريبة بس اوعدك بعد رمضان هقراه واحد واحد بدماغ علشان اركز وافهم لحسن انا التركيز بتاعي ف الضياع بس البوست ده حلو بس حديلاقيه حد يدلعه كده وميدلعش ايه يا عم الرومانسية دي
بس مجبتش ليه سيرة لبن العصفور ع اساس انه شئ صعب المنال ههههههههه
لا بس جامدة يا باشا
حلو اوى اوى اوى
برافو جدا
احلى حاجة التفانى فى كل طلب هى عيزاه
يا رب تكون حد يستاهلك
تحياتى
elzaher eny brdo ( zy elsede3`) m7setsh enha romansya :(
bel3ks y3ni de m3gebtneesh 2sln
e7sasak bel kalam momken yekoon kwys bs 3`eer keda mfeesh 7aga mzbota ( da ra2yee elsh5sy y3ni)
bs madam heya 3agabet elnas de yeb2a e7na lazem ne5ras ( ana wel sede3`) m3 e7tramy tb3n ya 3m elsa7er bs kol w7ed w leh ra2yo
rbna yewafa2ak :)
e7sas ra2e3 wkalemat mo3abera
da7'let 2alby besohola m3 en da sa3b
eltashbeehat aktar mn raw3a
w meezan elkalemat mn dahab
t7eyaty
(",)
بجد يا خلود اللي شكروا لي فيك ما جاملوش انت رائع
تحياتي وروح يا عم اقعد جنب حبيبتك شكلك فاضي لها هههههههههههه يا بختتتتتتتك
الله عليك
و يا بختها بك
عجبنى قوى
لو تعبت من السهر
اقفل بيبان السهر
واقف حارس على عينيها
ولو حسيت يوم بالخطر
الغى كلمه خطر
وبين رموشى اخبيها
لو تطلبى انا عاوزك تطلبى
قلبى بين ايديكى بس اطلبى
الحب يبقى طريقنا و الدنيا تبقى جنتنا
جميله
Post a Comment
<< Home