افتح قلبك
افتح قلبك ياقلبى الوضع خلاص اختلف
فى الحب مفيش مستحيل والسهم اصاب الهدف
عيونها دايبه فى هواك وقلبها على حبك حلف
فاكر اول مره شفتها
لما قلت هى دى اللى هحبها
وفى نفس اللحظه انت عجبتها
وقلت انت نفسك وقتها
اروح اقول بحبها ولا يمكن بتحب حد
وايه رد قلبها هيقرب ولا هيصد
وعشت ليالى فى حيره وماكان لجوابى رد
اهى طلعت اجدع منك وقالتلك ع اللى فيها
اوعى يوم تزعلها واوعى تسيب ايديها
من النسمه تحفظها وبعيونك تقفل عليها
واكتب قصه حبكم على ورق الخلود
وابنى بيتك وبيتها فى كل الوجود
وزين فستان زفافها باجمل ورود
وخلى حبك يطير فى السما بلا حدود
20 Comments:
لأ لأ انت يا واد مش معقول مش ممكن
يبني انا دوبت وانا الي قلبي حديد
:)
تجنن تجنن تجنن بجد يا زعيم
وخلاص حلحنها
ونغنيها
اول ما انزل مصر حكلمك
عشان نبده شغل
هايل يا خالد
برافو
(f)
صورة للحب النقى الطاهر الرقيق جداً
اكتر الحاجات اللى عجبتنى فى كتاباتك
خلى قلبك كده قلب يمامة ناعمة
و خلى بالك منها
brdo 2na lsa 3n ra2yee elly 2olto 3l post elly fat ... wlahy 2na mesh 3yz 27betaak wla 7aga bs lazem te2ra she3r shwya 2w 23`any leha m3na shwya
e7sasak wlahy kwys bs mesh 3ref fe 2eh ... mesh 3aref 2at2abel elly enta btektebo ... yemken el3eeb 3ndy ... yemken 2na mabfhmsh ....bs da brdo ra2yee elsha5sy :D
w rbna yewfa2ak brdo ;))))
جامدة مووووووووووت
بس علي فكرة مش عاجبني حاجة صغيرة
هو القلب ليه قلب ؟:|
اصلك بتكلم قلبك و بتقوله افتح قلبك
ممكن تخليها أفتح بابك
و غير كده يا يبخت اللي عايز تقولها الكلام ده
بجد خرافة ..موهوب
elkalam 7elw w 7'afeef w mo3aber
laken leeh ana 7assa en elfekra mafeehash gedeed??
bas ewnta kateb koayes
(",)
انا كده خلاص قررت انك تعلمنى اكتب شعر وخلاص يعنى مفيش مفر من انك هاتعلمنى
ربنا يكرمك يارب بجد تحفه
بجد جامده اوى اوى اوى انا مش عارف انت بتجيب الكلام ده منين وحتى الصورة جامده اووووووووووووووووووووووووووى
الحب مفيش مستحيل والسهم اصاب الهدف
ياه الكلام بيجى على الجرح
انت يا عم انت عايز مننا اي بقا
يعنى اللى حب يموت نفسه يعنى ولا ايه بقا
جميله
وأجمل مافيها القافيه والنغمه عرفت تظبطها
بس ممكن يكون فى الحب مستحيل وتذبل وردته تحت اقدام الزمن
فانتازيااااااااااااااااااااا
فانتازيااااااااااااااااااااااا
ربنا يفتحها عليك
واتزين فستان زفافها باجمل الورود
تحياتي
قفلتها حلوه اوى
من اول اكتب قصة حبكم على ورق الخلود للآخر
بس اظن ف اخر كلمتين بلا حدود كانت ممكن تبقا عامية اكتر .. شكلها فصحى كدا .. من غير حدود مثلا
بس جميله بجد والصورة حلوة
تحياتى
حلوة
بس يمكن عايزة تركيز اكتر من كدة
بعض التعديلات
و تبقي تمام التمام و لحن حلو و صوت جمييل و دقي يا مزيكا
احلى حاجة عجبتنى فى كلامك
انك ممكن تكون محترم البنت اللى تصرح بحبها
وده شىء نادر
ومحترم جدا
حلووووووووووة يا ساحر
جميلة بجد و لذيذة كلامها يخش في القلب بسرعة
شد و جذب لكن جه بنتيجة في الاخر و ايجابية
تحياتي
جميله جدا جدا يا ساحر انت طلعت فعلا ساحر جميله
7elwa ya 3am..a7san 7aga enha tel3t agda3 mnak fe3lan :D
bas tc mn el kalam..ele7sas 7elw..tc mn elwazn bas..esh6a :)
افتح قلبك ياقلبى
enta 3andak kam alb???
ورق الخلود
eh ba2a wara2 el 5loud da? bytba3 fein ya3ni? 3chan ab3at agib...
تسيب ايديهامن النسمه تحفظها وبعيونك تقفل عليها
enta nawi t3zlha 3an el 3alam??
بيتك وبيتها
da 3ala asas en kol wa7ed hay3ish fi bet monfsl??
بيتك وبيتها فى كل الوجود
ya3ni msh fi makan mo7adad??
msh ha2oul aktr mn keda 3shan el shahr el fadil
جميل جدا بجد جميل
بقولك يا ساحر انت معزوم على عيد ميلادى النهارده
اول حاجه ااااااااااااااااااالف مبروك للاهلي
طبعا يا خليفه انا اسف علي التأخيير
بس اعزرني لان النت عندي كان بايظ بس
ربنا هداه
بس انا عندي سوال
هي دي قصه حقيقيه؟
اصلها مكتوبه بمصداقيه زايده شويتين
يعني مابتحورش(جايه من حوار) فيها
وشكرا
خالد انت رائع حقيقي
كلامك عجبني موووت
احلى كلام والله
ربنا يوفقك
فنااااااااااااااااان
Post a Comment
<< Home