28.1.08

الســـاحر




احساس جميل فعلا


هو اللى انا عايشه دلوقتى....انا الساحر

الساحر....يعيش احلى عصورة

يافرح لوكنت لسه فاكر انك قافل ابوابك عليه.......انسى

ياحزن لو كنت فاكرانك هتحبسنى فى زنزانتك......انسى

:باءذن الله واعوذ بالله من كلمه انا

انا فارس الاحلام وحصانى جاهز

فى الهوى بدى دروس لو حد عايز

خسرونى قلوب كتير وقلبى كسبان وفايز

انا لما الخوف يشوفنى يركع ويطاطى

دا مهما ييجى عليه عمره مايشوف عياطى

كلمتى معانى والحكمه تلاقيها فى سوكاتى

انا الخير دا استاذى وانا بلا فخر تلميذه

والشر لما بشوفه بحنسه وبغيظه

يمكن اكون حساس...واحساسى دا بعوزه



كل ده علشان استاهل حبيبتى اللى لسه معرفهاش

وهى كمان اكيد ما تعرفنيش

بس اكيد هى غاليه اوى وتستاهل كنوز الدنيا

انتى يالى نجمه فى السما انا خدامك

لو عجبك القمر اجيبه واحطه اقدامك

كل اللى طلبه منك انك تحلمى

يخليكى ليه حبيبتى وتسلمى

17 Comments:

At 2:51 AM, Blogger غني يابهيه said...

بما ان أنا أول كومنت فى أول تعارف أحب أقولك ان مبسوط أوى الحمد لله
وكلامك حلو أوى
وان شاء الله هاتلاقى الحبيبه المجهوله دى
مدون جديد

 
At 10:38 AM, Blogger carol 2002 said...

جميل كلامك
و تحليلك للموقف و حالك منه
رسمت صورة بديعه
كلها خيال و إحساس رائع
بغض النظر عن ما فيها من إستنكار
لشخصية فى خلدك
فهذا هو أساس الموضوع
لولا الوجع ما نصرخ ولا نقول آه
تحياتى لك
:)

 
At 3:37 PM, Blogger sa'7so'7te said...

ساحر و عندنا فى صيدله
و كمان مع انه فلى صيدلة فهو مبسوط و فرحان
ده عجب العجاب
:D
دى اول زيارة ليا عندك يا ساحر بس بجد عجبنى كلامك
و عقبال ما نتعدى منك يارب
و كل اجازة و انت طيب

 
At 9:54 PM, Blogger media said...

الله الله الله عليك يا ساحر
بتتحفني بحاجة جديدة كل ما جي عندك ايه الجمال والروعة دي
بوست كلة ثقه
ويا بختها الاميرة الي هتخطفها على حصانك الابيض

يلا يا فارس الاحلام
ربنا يوفقك وتلاقي اميرة الاحلام

ومتنساش تعزمني على الفرح

 
At 10:12 PM, Blogger من القلب said...

الحب مش بايدينا
مهما كانت شخصيتنا قوى و تجاربنا كتير

يوم ما يدق الحب باب قلبك انسى يا جميل


يارب هى تكون تستاهلك

تخياتى

 
At 10:47 AM, Blogger همسات دافئه said...

ياسلام ياسلام
تحفه هو بجد الحب ممكن يدى القوه ده؟
كلماتك جميله جدا اسعدنى مرورى:)
تحياتى
شيماء

 
At 6:25 PM, Blogger هبههههووب said...

ربنا يكتب لك الخير يا ساحر
ويرزقك بالى تستاهلك وتستاهلها
واعرف ان الى نيته كويسه ربنا بيرزقه بالكويس ليه بإذن الله
وادعى ربنا دايما انه يرزقك بالزوجه الصالحه الى تعينك وتعينها على دخول الجنه

 
At 11:50 PM, Blogger مداح القمر said...

كلام جميل وكلام معقول...مقدرش اقول حاجه عنه
حقيقى انت كتبت كل حاجه عن نفسك...ملخص شافى وافى
الجزء اللى فوق عاجبنى اوى
انا فارس الاحلام وحصانى جاهز
انا رأيى انك المتنبى بتاع العاميه بسبب البيتين بتاع الخوف والشر والخير
محسسنى انك مقطع استك بنطلونات البشر كلها ياعم..اللى عاجبنى اكتر كمان القافيه جديده جداااااااااااااااا

 
At 11:47 AM, Blogger dramaqueen said...

برااااااااااااااااافو
ايه الكلام الجامد دة
وتقولى عمرك ما حبيت
احساسك عالى اوى
وكلامك جميل جدا
تسلم ايدك وتسلم مشاعرك
وعقبال ما تلاقيها

 
At 11:34 AM, Blogger break said...

ايه دا الصيادلة بيطلع منهم حاجات حلوة اوى فى الاجازة
امال احنا مبنتعديش ليه

:)

 
At 1:23 AM, Blogger Elsede3' said...

mabda2eyan mabrook ennak far7an
di 7aga gameela 7'ales, ah wALLAHi
saneyan
lel2asaf ana mesh 3agebny 7'ales
elta3beerat da3eefa giddan giddan giddan we mesh 3aref awsal le ay masha3er menha..
saneyan, el 3'alatat el2emla2eyya elraheeba
عصورة,باءذن,سوكاتى
we enfesha7' elkafya fe بغيظه and بعوزه

lamo2a7'za ya 3m elsa7er
bas ana 2olt 2a2olak bardo ra2yey elsaree7 3ashan ya3ny eih, elwa7ed lazem yesma3 bardo elwe7esh 3ashan yetawar we kalam keda

 
At 1:26 AM, Blogger Elsede3' said...

oufffffff
dana neseet kaman ba7anesso
ya ragel ya tayyeb
ba7anesso????

 
At 1:45 AM, Blogger كلمه said...

fashalt fe ta7deed ay 7aga mel kalam da bsra7a
zy ma 2al (elsede3`) elta3berat
da3eefa gedan wel osloob rakeek gedan
da 3`eer elwazn elmaksoor fe

انا لما الخوف يشوفنى يركع ويطاطى

دا مهما ييجى عليه عمره مايشوف عياطى

wade7 en elgomla maksoora fel 2a5er
w brdo gomlet
والشر لما بشوفه بحنسه وبغيظه

يمكن اكون حساس...واحساسى دا بعوزه
elgomla maksoora w elkafya ay kalam 7aga STROBIA y3ni

w 3`alatat 2emla2eya kteeeer 2wy

w brdo fel beet elly be2ol
خسرونى قلوب كتير وقلبى كسبان وفايز

kasban = fayez w mafeesh ay da3y le fayz tegy b3d kasban .... momken yeb2a lemogarad elwazn wel kafya w da daleel 3la da3f elshe3r
asdy elkalam elfakes elly maktob b 3`arad elshe3r

nerga3 tany lel mohem .... fe 2wel elKASEEDA 7aset enak btetklm 3la wa7ed tany w b3den 7aset enak raye7 te7areb
w fel 2a5er btetklm 3la wa7da mt3rfhash w estantegna mn keda enha brdo mat3rfksh كل ده علشان استاهل حبيبتى اللى لسه معرفهاش

وهى كمان اكيد ما تعرفنيش

elmwadee3 b2a kteer 2wy fel kaseeda elwa7da .... w da yeshbeh kteer elshe3r elgahely
bs kol elawzan wel kawafy bayza w darba w nela 5ales
besra7a da kalam teb3ato le sa7betak 3la eno mo7awla faksa le ketabet o3`nya w ted3y ye3gebha

 
At 1:18 AM, Blogger نوري said...

جري ايه يادكتره
ايه الي انت بتعمله ده
تفتكر كده اني خلاص صدقتك
ده كفايه المقدمه الجامده
قال لسه مجتش قال
طيب خلاص متحلفش خلاص صدقتك
بس برضه انت الافضل منغير تفكير
سواء جت او مجتش فانت مبدع
حصانك موجود او لا برضه رائع
ربنا معاك بقي بس انت دور خد حصانك كده ولف يمكن تلاقي حد
استمر يادكتره الابداع كلها
و(بست وشز فور يو)0

 
At 2:17 PM, Blogger د/اجدع بنوته said...

يابختها ياعممممممم

هتجبلها القمر

وشكلك هتحفر ف الصخر عشانها كمان

ربنا يقويك يارب

وكمان شكلك واثق ومعتد بنفسك اوى

تحياتى

 
At 11:10 PM, Blogger إبـراهيم ... said...

حلوة أيها الساحر الجميل
.
.
كثيرٌ من المران على قلمك ، والصبر على الشـعر ، هننتظر منك الأجمــل
.
.
لك تحيـة خـااالصـــة

 
At 1:53 AM, Blogger raspoutine said...

جميل يا ساحر
بس انت فين

 

Post a Comment

<< Home