خيال مفتوح
السما ف السما والارض ع الارض
القمر لما تشوفه تقول دا اتخض
والشمس ماقدرتشى تغرب ومهماش حد
وسور الصين العظيم....فى لحظه اتبنى واتهد
الدنيا كلها بتغنى
والبحر قال غصب عنى
هوقف الموج والمد
الغزال قال انا مش غزال
ولسه القمر لازال
تشوفه تقول دا اتخض
الموناليزا سمعها اتكلمت
بتقول انها سلمت
ومش مستنيه رد
ادخل بلاد العجايب
شوفى الصبى والشايب
والاب والجد
وخلاص المولد انفض
ولسه
السما ف السما والارض ع الارض
posted by الســـاحر @ Thursday, March 20, 2008
5 Comments:
خيالك عالم محدش شافه قبل كدا يا خالد
على فكره انا ركزت فيها وفهمتها..وانت بس فالح تقولى انت صح
والله خيالك دا عالم كبيييير...فيه حاجات احنا شوفناها بس موجوده بصوره تانيه خالص
زى ما يكون اخدتنى وريتنى القمر وقولتلى شايف القمر؟؟ على فكره مش هو دا اللى عندكو فى دنيتكوا....وشايف البحر والسما؟ ح اوريهالك بس مش زى ما شوفتها قبل كدا...وكل دا ف خيالك
والله انا فرحان انى قريت حاجه زى كدا
بارك الله فيك يا ساحر
ما اجمل اطلاق العنان للخيال
ويأخذ الناقة ويشرخ
---
ربنا يسعدك ويسعد كل الناس ياب اميين
انا هبههههوب الى لسه عامله كومنت ناو بس من أكونت تانى
خـــــــــــــالـــــــــد
انا كنت اطلقت عليك قبل كده لقب خالد ابداع
فممكن اسحبه منك دلوقتي
ده بعد اذنك يعني
عشان بجد انت متستاهلوش
بس هديك لقب اتقل شويه
خيال خالدالطبيب الساحر
ولو عايز تحط كمان
كلمه ابداع ازنقها
انا معنديش مشكله
موافقه
انت عارف اني رسمت لكلامك ده لوحه
عجباني جدا بس مش اي حد بيفهمها
الونها دخلت ع بعض شويه بس انشاء الله هحاول اظبطها قدر الامكان
عودا حميدا(بست وشز فور يو)0
السلام عليكم و رحمة الله و بركاته
موش أقدر أقول في هذا الخيال الرائع والرؤية التصويريه للفنان اللي جواك غير بسم الله ما شاء الله
بترسم بخيالك أحلى ألوان وأحلى كلمات وأحلى احساس وبتخليني أشترك معاك في الخيال واتصوره ربنا يوفقك يارب
في رعاية الله
Post a Comment
<< Home