بلاد العجايب
بلاد فيها.........؟
الشمس بتخرج ف الضحى
والقمره ماشيه مروحه
والورد عيونه مفتحه
بيرش بيها الحب
بلاد مفيهاش اجراس
اجراسها هما الناس
الكلمه عندهم احساس
والصمت معناه ادب
بلاد فيها المهرج
غير انه بيهرج
لازم يقدر يخرج
الضحكه م القلب
الغدر تلاقيه محبوس
بعيد له سجن مخصوص
وادامه قاعد مرصوص
الحقد والذنب
فيها البيوت فى السما
جنب بعض متقسمه
وساكن فيهم انا
غرقان فى الحب
posted by الســـاحر @ Sunday, March 30, 2008
12 Comments:
ربنا يسعد ايامك يا ساحر ويملىء ايامك حب وسعادة وهنا
بجد انت اسلوبك هايل
صحيح انت بتعبر عن الى جواك بالكلام
لان ربنا حباك بنعمه كتابه الشعر
لكن انا مش عندى الموهبه دى
فعلشان كدا انا بعبر بالصور او بالكلام العادى
كل واحدو امكانياته
----
جو أون
ياااااااااااه
بجد
مش ممكن انت رجعت تكتب تاني
انا اخر بوست قريتة ليك نور الملاك
وقعدت بعد كده ادل المدونة مش بلاقي اي جديد لحد ما افتكرت انك هجرتها خلاص حمد الله علي اليلامة يا ساحر الرومانسية
وان شاء الله هتلاقيني هنا علي طول بس ابقي اعزمني علي شاي
تحياتي
ياسلاااااااااااام
هو مش انا قلتلك كده قبل كده
وقلتلك شكلك كده في حد
بتحبيه بيحبك بتحبيكي
عشان تعرف بس ده انا خبره يا ابني
وياريت فعلا ياخالد يكون في مدينه في الكون بالمواصفات دي
كن هتلاقيني انا اول ساكنيها
بس هي دي الدنيا هنعمل ايه بقي
ويلا بقي(بست وشز فور يو اند فور لف)0
اه صحيح نسيت اقولك
عودا قويا حميدا
بجد الكلام ده جميل جدا
ومن زمان انت مكتبتش حاجه بالجمال القوي ده
فالف مبروك ع العوده الحلوه دي
دى اول مرة ادخل مدونتك بس تجنن
وياسلام على كلامك معبر اوى وطريقة صياغة الجملة حلوة اوى
ربنا يسعدك زى ما اسعدتنى بالكلام الحلو ده
تحياتى
دايما تغيب وترجع لنا بحاجة اجمل من اللى قبلها
كلامك جميل جدا يا خالد وبجد انت ساحر لانك بتقدر تطلع الكلمات بالجمال دة
ربنا يديم عليك التميز وتمتعنا دايما بحاجات جميلة
متغبش تانى كتير
دى الجنه
مش كده؟
:)
قولنا طيب مكانها فين
اسلوبك رائع فى الشعر
و حلاوته فى بساطه و خياله
تحياتى و مودتى
كلماتك جميلة اوى
أحيي قلمك الرائع
واسعدتنى زيارة مدونتك
تقبل تحياتى
دى مش ارض العجايب
ومش ارض خالص
دى اكيد
جنة فكرك وخيالك
تحفة
عيشتنا فى حلم سعيد
ينتظرنا كابوس بعده
دمت مبدع
تحياتى
الله عليك يا ساحر بجد
اسلوبك جميل جدا
بقيت بحس انى بكرر كلامى
في كل كومنت
بس انت بجد هايل
الى الامام يا خالد
السلام عليكم و رحمة الله و بركاته
ياسيدي ياسيدي على بلاد العجايب بجد بجد إنت لوحدك أعجوبة أثلا كلماتك ممتازة وأفكارك متنوعه جدا وحاسة إن هيبقى لك شأن كبير في الكتابة لو أعطيتلها الاهتمام الأول في حياتك
كل مرة في بوست تقدم فكرة وباحساس مختلف
بجد انت رائع ربنا يبارك فيك
في رعاية الله
Post a Comment
<< Home