الرساله
لفيت بلاد العشق شايل ف قلبى رسايل
حالف مااسلمها غير للى يستاهل
اصلها رسايل عشق ومش مكتوبه بالساهل
رسايل فيها حكايات
فيها اللى عدى واللى فات
فيها حكاوى وذكريات
لكل عاشق رساله
ياكل قلب تعالى
يمكن تتغير الحاله
خلصت كل الرسايل..ومش فاضل غير رساله
مكتوب عليها اسمى؟؟ ..مش ممكن استحاله
افتح ياقلبى الرساله ولا استنى
ياترى هنلاقى الفرح ولا هتكتر احزانا
قالى قلبى افتحها يمكن ينصلح حالنا
هفتح ياقلبى الرساله والذنب ذنبك
خليك ياقلبى معايه..هفتحها وانا جنبك
فتحت الرساله لقيت..بـحبـك
posted by الســـاحر @ Monday, April 14, 2008
14 Comments:
ازيك ياساحر
بس انا واخده ع خاطري منك
يعني ملقتليش رساله معاك
انت متاكد
طيب دور كويس يمكن تلاقي
ع كل حال
جميله ياساحر ورائعه
وفعلا اجمل حاجه في الدنيا
فتح صندوق الذكريات
يلا بقي دور ع الرساله بتاعتي ولو لقتها ابقي ابعتهالي ع الميل
بالجمل بتاعك والنبي
اصلي محتجاها اليومين دول
وبست وشز فور يو
اولا ميرسى كتيييييييييييييير على كلامك الجميل فى مدونتى
ويارب زيارتك متتقطعش
ثانيا
كلامك حلو اوى
وفعلا ياريت نلاقى حد يستاهل نفتح له قلبنا ويقرا اللى جواه
سلامى الكتيييييييييييييير ليك
ايه الجمال دة
بجد سا حر ايه يا عم خالد مفيش رسالة لينا طيب ولا الرسايل خلصت
تحياتي ليك ونورت مدونتي المتواضعة
ايه ده كل مرة اقرالك بوست بتزيد وتعلى فى نظرى انت خسارة يابنى
امممممممممم
معرفش اقولك ايه اصلك بتخلص كل الكلام واجى اعلق ملاقيش ولا كلمة تسترنى
ينفع كده ؟
انت كل حاجة ليك تحفة تحفة تحفة
لا وخايف وبتاع وتيجى فى الاخر بحبك
ماااشى مفيش مشكلة
سلام
والله مافيش أجمل من كده رسالة
يابختك برسالتك
مش قر والله
ده حسد بس :)
كلماتك جميلة اوى انت فعلا ساحر فى كلماتك وفى رسايلك
تحياتى لك
السلام عليكم
رسائل رسائل كلنا بتجيلنا رسائل وبنفتح رسائل وبقرا فى ورق وبنشوف وبنحس بس يارب رسالتك تبقى رسالة مكتوبة بالصدق ومغلفة بالصدق وبجد صدق
ربنا يوفقك
ياسلام ياسلام
كلامك كله احاسيس
بس انت بتقعد فترة كبيرة على ما تكتب
ربنا يوفقك ف دراستك
بالتوفيق
ما شاء الله اسلوبك جميل
ازيك ياساحر
انت فين
يارب تكون بخير
وتكتب حاجة جديدة اوك
سلام
begad anta ansan mawhoob awy rabna maak.
ala fekra ana aaraf el blog btaak mn sana tareeban bas de awl mara aktb fiha.
جميل يا سحر
ورائع والله معاك
http://alabalatta.blogspot.com
يا ساحرنا العظيم
حبينا نناديك تحضر اول عيد ميلاد للبلوج عندنا
و ماتخافش الهديه بسيطة
مجرد زيارتك عندنا
احلى حاجة فى الرسالة ما تحتويه وخاصة بحبك.....جميلة جدا جدا
السلام عليكم ورحمة الله وبركاته
عامل ايه يارب تكون بخير
انا اول مرة اجى هنا
ولقيت كلام حلو جدا بجد رائع
الى الامام دائما
تقبل احترامى وتواجدى بمدونتك الرائعة
السلام عليكم و رحمة الله و بركاته
الله الله الله الله الله
ما أروع احساسك بجد رااااائع وممتاز حسيت البوست ده أوي موش عارفه يمكن عشان أي حد يتمنى يلاقي رسالة زي رسالتك دي (ايموشن بيغمز )
بجد كلماتك تمس القلب بسرعه وتخلي الانسان لو في حالة حب عينيه تدمع من قوة احساسك تسلم ويسلم قلمك واحساسك
دمت بخير دايما ومتابعاك برده
آه معلثي نثيت اقولك في البوست السابق رمضان كريم اعمل ايه بث من قوة كلامك نسيتني هههههه
ربنا يكرمك يارب
في رعاية الله
Post a Comment
<< Home