وغابت اليمامه
وغابت اليمامه
غابت منغير ماتسيب علامه
او حتى تقولى مع السلامه
غابت وغابت معاها الابتسامه
انا عايز يمامتى
اللى مرسوم على كف ايديها بدايتى
واللى اتمنى يكون فى حضنها نهايتى
هى اكتر واحده فى الدنيا عارفه حكايتى
وانا اللى قلت خلاص الفرح جانى
غبتى انتى ورجع الحزن من تانى
نفسى اشوفك ساعه..دقيقه..طب ثوانى
انتى لازم تظهرى
ايوة لازم تظهرى
مهومش بعد ماتاخدى قلبى معاكى
تغيبى وتتاخرى
ابوس ايديك ياقمر
تقولى فين هى اليمامه
وانا مش هكدبلك خبر
مناعارفك كلك شهامه
فى حاجه منعاكى عنى؟؟
غيابك مش مطمنى
خايف عليكى لانى
منغيرك ذى قشايه
وادى كل الحكايه
posted by الســـاحر @ Saturday, October 18, 2008
25 Comments:
اكيد اليمامه لما تلاقى حد بيحبها بالشكل دا
هاترجع و تبقى معه
كان نفسي اكون اول كومنت يلا بقي مش لحقت
يارب ترجعلك يارب
اكيد لو بتحبك هترجعلك
عجبتنى أوى قصة اليمامة دى
الإيقاع خفيف وسريع
بس بصراحة جملة : أنا عايز يمامتى
بتدى إحساس بالأنانية وخصوصا حب التملك ، والحب مافيهوش تملك
وختاما .. لو يمامتك بتحب بجد ماتقلقشى ، لأنها هترجع لك إن شاء الله
دمت بكل خير .. تحياتى
الله
اسلوبك جميل
وفيه حنية
قريبة من القلب
خسارة انها ضاعت منك و انت لسه ملحقتيش تتمتع بجمالها و رقتها
بس لو هى حست رقة مشاعرك لها هترجع تانى عطشانة لهواك
تحياتى
يادى النيلة مالحقناش نفرح باليمامة , هترجعلك إن شاء الله لو عرفت انك بتحبها بجد
يارب ترجعلك يامامتك بس لازم تعرف
ان اليمامة ديما بتوه ده فى الحقيقة طبعا
وكمان ليها طباع الصقور ده فى التحليق طبعا
وفى حاجة كمان بس دى مش مهمة
اه الى قولتة اوعى تاخد فى بالك
تحياتى
صديقى العزيز
انا عايز يمامتى
اللى مرسوم على كف ايديها بدايتى
واللى اتمنى يكون فى حضنها نهايتى
هى اكتر واحده فى الدنيا عارفه حكايتى
لكل منا يمامته
عسى ان يعودوا جميعا
الله يرجعلك يمامتك بالسلامه يا رب:)
الغايب حجته معاه
اسال عليها كويس يمكن تكون محتجالك
السلام عليك
اصعب حاجة لما الواحد يعرف طريقة ومصيرة وفجاءة يلاقى نفسة وسط الغيام ومصاحب ضباب لكن اكيد فى نهاية العتمة نووووووووووووووور
وهترجع اليمامة
ربنا يوفقك وبجد رائع وشكرا جدا على زوقك
السلام عليكم و رحمة الله و بركاته
يااااااااااااه موش جيت هنا بقالي فترة
بس مبسوطة غني جيت ولاقيتك كاتب مشاعر اجمل واجمل واجمل أسلوب واحساسك بيعجبني جدا يا ساحر
وبجد القلوب بتحس ببعضها موش أظن اليمامة لو حست بده هتفضل غايبة هترجع على طول وتطمنك عليها
أد إيه كلامك جميل وبيدي أمل إن في لسه حب ومشاعر حلوة
تسلم بجد على الكلمات الرقيقه دي
في رعاية الله
فينك ؟؟ , اوعاك تغيب زى اليمامة
جميل جدا كلامك
جه على الجرح اوى
بالذات الجزء دة
وانا اللى قلت خلاص الفرح جانى
غبتى انتى ورجع الحزن من تانى
نفسى اشوفك ساعه..دقيقه..طب ثوانى
انتى لازم تظهرى
ايوة لازم تظهرى
مهومش بعد ماتاخدى قلبى معاكى
تغيبى وتتاخرى
لو تصدق انا دموعى نازلة زى شلالات نياجرا
تسلم ايدك واحساس الجميل
لو لها وطن
لو لها غصن آمن
فحتما ستعود يوما
والغائب حجته معاه
على فكرة فين الجديد
عساك بخير أخي
كلمات جميله قووووووووووى
جميله الحكايه وجميله كلماتك
لها وقع هايل علي المسمع
وترانيم بين السطور وموسيقى جميله
دايما موفق في اختيار كلماتك
خالص تحياتى
وغابت اليمامة وها هو انت تختفى معها
وحتى لم تقل مثلها مع السلامة
انا عايزة ساحرى
الى بيرسم لوحة جميلة فى اى رد
انت لازم تظهر
ايوة لازم تظهر
فى حاجة منعاك
شئ مقتبس من كلماتك
اتيت ارد به بسبب اختفاءك
:)
كل التحيات قليلة
sorry 4 u :s
hope 2 appears n ur life again
كل سنه وانت طيب وبخير وصحه وسلام
أنت وكل من حولك
عيد سعيد إن شاء الله
ليه الغيبه دي ؟
أتمنى تكون بخير أنت ومن حولك أخي
غايب ليه عن عالم التدوين ؟
حلوة قوي
تسلم ايديك
يارب ترجعلك اليمامة
لان من الصعب حد يسيب حد بيحبة الحب ده كلة
ايه ده هى لسه مرجعتش
انت حالف ما تكتب حاجه جديدة الا ما ترجع ولا ايه
يلا بقي عاوزين نشوف حاجه جديدة
مش بتريق والله هى القصيده جميله جدا بس يا رب تكون الحمامه لسه فى مكانها
يارب تكون غيبتك سببها خير
Post a Comment
<< Home