اليمامه
انا شفت اليمامه وشافتنى
انا كلمت اليمامه وكلمتنى
ماكنتش اعرفها وهى كانت عارفانى
ف عينيها نظره كده..الظاهر انها عاشقانى
اكل اليمامه ياربى ولا أكل اليمامه حرام
جعان ف الهوا قلبى موصف له اكل اليمام
وادى اليمامه بتقولى محدش هيأكلنى غيرك
ليه بقى تاعبنى وتاعب عقلك وتفكيرك
لو عايز تشوف الجنه ممكن اوريلك
وريتنى بيت صغير مكتوب عليه اسمنا
وبأشاره من ايديها فتحلنا الهنا
قالتلى اتفضل ادخل قولتلها مين...انا
قالتلى ياحبيبى ماتيجى نعيش هنا
قولتلها بس جنبك..أعيش مليون سنه
دا من يوم ماشفتك وعلى وشى الابتسامه
بظهورك ف حياتى كانت اجمل علامه
انا كنت هبقى ضايع منغيرك يايمامه
دا ماكنش حلم ولا تاليف خيالى
ولا قصه حلوة وحدوته وتسالى
دى حقيقه حصلت وهتفضل فى بالى
posted by الســـاحر @ Friday, October 03, 2008
15 Comments:
أول تعليق على البوست شىء يسعدنى
جعان ف الهوا قلبى موصف له اكل اليمام
وادى اليمامه بتقولى محدش هيأكلنى غيرك
ليه بقى تاعبنى وتاعب عقلك وتفكيرك
لو عايز تشوف الجنه ممكن اوريلك
حلوة اوى انك بتشبه حبيبتك باليمامة وانت صياد اليمامة دى
عارف كان اجمل انك تقول وريتنى عش صغير يدوب يساعى قلبين انت وهى
قالتلى ياحبيبى ماتيجى نعيش هنا
قولتلها بس جنبك..أعيش مليون سنه
يا الله على الحب حلوة اوى الجملة دى دا انا جنبك اعيش مليون سنة
يا بختها بحبك اليمامة دى هههههههههه
ربنا يسعدك ويسعد قلبك يارب
تحياتى
يويو
هههه الله بجد اجمل يمامه فى الدنيا ..ما شاء الله ايه الكلام الجميل ده الى كله حب وتفؤل .. بجد كل الكلمات جميله كلام قليل ومعبر وسريع اللحن والوزن ويوصل للازن على طول ....
ربنا يكرمك أنت واليمامة و تعيشوا سعدا :)
الساحر
انا لسة مش قريت
بس جيت اشكرك على اجمل زيارة
فرحتنى اوى واقولك استنة عليا لما اقرا عندك شوية لانها
بجد المدونة قوية
انا قريت سريعا وفعلا حاجة
جميلة وجامدة فعلا
انا بحب لما اتعرف على حد ويكون زارنى احب اوى اقرالة كل الى كتبة
استحملنى بقى لانى شكلى هقرالة كلةهههه
كل سنة وانت طيب وبخير
هروح اقرا شوية عندك
كل التقدير
رندا
هههههههه , جميلة اوى بجد , يلا هنيئا لك باليمامة , وربنا يهنى سعيد بسعيدة ويخليكوا لبعض
شكرا لزيارتك التي أسعدتني
جميله المدونه
عجبني أوى الجزء ده
عندما تجد الظلام يحيط بك
ابحث عن النور
عندما تجد الكراهيه فى كل مكان
ابحث عن الحب
عندما تجد الفشل يسعى اليك
ابحث عن النجاح
فكن انت النور والحب والنجاح
ستجد من يبحث عنك
حلوة فعلا
ربنا يوفقك
ودمت بكل الخير
وماله لما تفضل فى بالك ، طالما يمامة كويسة هههههههههههههه
شعرك فيه حاجة ظريفة و ممتعة بجد
دمت بكل خير..تحياتى
ايه الجمال والروعه دى جميل جدا جدا
وربنا يخليلك اليمامه وتاخدك وطير في سماء الحب
بس خلى بالك احسن تقع
اخبارك اية
جيت اطمن عليك
فين جديدك
تحياتى
بجد جميل قوى احساسك
ربنا يديم عليك الحب انت واليمامه بتاعتك
كل عام وانت بخير
شكلى انا كمان هاحب اليمامة
واشكرها لانها خلتك تكتب الكلام الجميل دة
كلامك جميل اوى تسلم ايدك
واحساسك الرقيق
خلاص ياعم بالهنا والشفا
كلمات جميلة وقوية
وأجمل ما فيها أنها تعبر عن الإحساس
هأعمل جولة صغيرة في مدونتك
وأمنياتي بالتوفيق
السلام عليكم و رحمة الله و بركاته
موش لاقيه كلام أقوله
بس تعرف حاسه إني عايزة أقول يا بخت اليمامة بيك (وش بيغمز غمزة يمين وغمزة شمال )
هههههههههه
ربنا يوفقك يارب
في رعاية الله
Post a Comment
<< Home