سبحان الله
سبحانه ربى تعالى بعتلى نور من الجنه
وقالى ياعبدى بين ايديها افرح اتهنا
ياما ناديت القمر والشمس والليالى
لو كنتوا عارفين فين حبيبتى وروهالى
اشوف بس ضحكتها ورجعونى
او هى حتى تبص تشوف عيونى
لحد ماجيتى انتى وناديتى بعيونك
فى حد القمر ينده عليه ويقوله لا
والله جوه ف عيونى لاصونك
قلبى من فرحته طاير ولابطلشى دق
لو نفسك حبيبتى تحلمى...ماتغمضيش عنيكى
هجبلك احلى حلم بس مديلى ايديكى
هتلاقى نفسك على القمر والشمس بتخدم عليكى
بعدك ياعمرى يحرم عليه الهوى
والحلو اللى ف هوانا حلو واحنا سوا
قلبى خلص حبه فى هواكى وطالب المدد
الظاهرانه من يوم ماشاف عيونك اتحسد
لا ماتحسدش دا من يوم ماشافك اتولد
هبدأ معاكى حكايتى...وقلبى ملكك للابد
posted by الســـاحر @ Friday, September 19, 2008
12 Comments:
على فكرة الابيات دى عسوله اوى اوى
بجد جميله
و حلوة الشمس تخدم عليكى
:)
ايوة يا عم
وش بيغمز
ماشي
اصل الكلام الحلو ده مش يطلع غير من حد صادق في كلامه
هو كده
تحس ان الكلام الصادق
ماشي يا عم
الله يسهلك
عموما ابيات اكثر من رائعه
تسلم ايدك
طبعا لأن كل كتاباتك حب وتفائل
كان لازم تشوف ان كتاباتى حزينه
عموما يا سيدى ربنا يديم عليك كل الحب والتفائل والسعادة وتظل تشدو لنا بهذة الابيات الرقيقه
شرفتنى زيارة مدونتك
تحياتى
الله الله الله
ايه الروعه والجمال ده
كلمات روعه واحساس اروع
ربنا يديم عليك الحب
وكل سنه وانت طيب
ازيك يا ساحرنا
عودا حميدا
طبعا انت مش محتاج راي
رائع رائع رائع
هتلاقى نفسك على القمر
والشمس بتخدم عليكى
وشمه ريحت الف مبروك مش عارفه ليه
ياترا فيه حاجه؟؟
دوشتك
بست وشز فور يو
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة ) فى هذا الرابط:
http://www.ouregypt.us/culture/main.html
السلام عليكم و رحمة الله و بركاته
بجد احساسك جميل أوي يتحس ويتصدق بسرعه وكلماتك كنبراس يسطع في زحام الظلام بجد روعه سعيدة إني بق{ا الكلمات التي تحمل بين ثناياها اجمل تعبيرات الحب و يارب يديم عليك الحب والخير والصحه وكل عام وانت بخير
شرفتني بمدونتي
وده أول رد ليا وهكمل قراءه وتعليق في بقية بوستاتك دلوقتي إن شاء الله
رمضان كريم
في رعاية الله
كل سنة وانت طيب
جميلة كلماتك
واجمل ما فيها البساطة
احترامى
سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير
فى الاول احب اشكرك على مرورك الكريم على مدونتى المتواضعة و ان شاء الله يدوم التواصل بينا
مدونتك رائعة بالفعل كلها مشاعر واحاسيس جميلة
كلماتك فى االبوست تسحر القلب وتخدر العقل ليس ذلك بعجيب فانت حقا ساحر
كلماتك فيها صدق وتلقائية عشان خارجة من القلب واكيد هتوصل للقلب
دمت دائما وابدا مبدعا
تحياتى
يويو
صادق اوى كلامك حقيقى اث فيا جدا
و احلى ما فيه انه كلام عفوى طالع من القلب و مش متزوق
تحياتى
السلام عليكم و رحمة الله و بركاته
الله عليك بجد
موش بقولك يا بختها
احساسك في منتهى الرقه ربنا يبارك فيك ويسعدك
دمت بخير وسعاده
في رعاية الله
Post a Comment
<< Home