14.4.08

الرساله


لفيت بلاد العشق شايل ف قلبى رسايل
حالف مااسلمها غير للى يستاهل
اصلها رسايل عشق ومش مكتوبه بالساهل
رسايل فيها حكايات
فيها اللى عدى واللى فات
فيها حكاوى وذكريات
لكل عاشق رساله
ياكل قلب تعالى
يمكن تتغير الحاله
خلصت كل الرسايل..ومش فاضل غير رساله
مكتوب عليها اسمى؟؟ ..مش ممكن استحاله
افتح ياقلبى الرساله ولا استنى
ياترى هنلاقى الفرح ولا هتكتر احزانا
قالى قلبى افتحها يمكن ينصلح حالنا
هفتح ياقلبى الرساله والذنب ذنبك
خليك ياقلبى معايه..هفتحها وانا جنبك
فتحت الرساله لقيت..بـحبـك